يبدأ العام الدراسي الجديد بعد أيام قليله ويبدأ أولياء الأمور في شراء المستلزمات المدرسية وكل ما يحتاجه أولادهم من أدوات، ومن وقت أن حددت الخريطة الزمنية لبداية العام الدراسي الجديد وأولياء الأمور يشتكون من غلاء الأسعار ولهم متطلبات كثير، وقامت عبير أحمد عبير أحمد، مؤسس اتحاد أمهات مصر للنهوض بالتعليم، وائتلاف أولياء الأمور، بتوجيه أسئلة تضمن: لطلاب جميع المراحل التعليمية.. هل ليكم مطالب معينة في العام الدراسي الجديد؟.
وانهالت التعليقات علي المنشور في صفحة الاتحاد والائتلاف، في الفيس بوك، حيث قالت ولي أمر: "أكيد لينا مطالب طبعا، أولا نستلم الكتب المدرسية مع دخول المدارس مش بعدها بشهر، ثانيا نتمنى يكون في مدرسين متدربين على تطوير المناهج الجديدة، ثالثا يكون في طبيب أو طبيبة ف ي كل مدرسة للاهتمام بصحة الطفل ويكون في فحوصات دورية، رابعا نراعي جداول امتحانات الإعدادية والثانوية العامة ويبقى في فاصل بين كل مادة والتانية".
وأضافت ولية أمر أخرى: "تقليل كم الامتحانات اللي بيمتحنها الصفوف الإبتدائية من الصف الرابع، اعتقد امتحانات المهام الأدائية مالهاش فايدة واهدار للوقت ومجهود الطلبة وماعتقدش لها فايدة ملحوظة. وتحديد جدول امتحانات شهري بديل بالنسبة للي ما بيقدرش يحضر الامتحانات في الجدول الأساسي".
واستكملت ولي أمر: "يبصوا للصف السادس الابتدائي اكتر دفعه مظلومة، كم رهيب مفيش طفل في سنه يستوعبه وبييجي للدفعة اللي بعدها يخفف ليهم المنهج، طيب ما دا حرام لازم يبقي في ناس متخصصه بتراجع وبتعرف ايه المفيد وايه اللي ليه لازمه وايه اللي مالهوش".
وذكرت ولي أمر: "يراعوا جدول الامتحانات.. الأعوام الماضية كان العيد بيجي في نص الامتحانات وكان بيريح الجدول والطلاب بتاخد أسبوع في نص الامتحانات إجازة العيد ودا طبعا كان بيريح المواد إللي بعده في المذاكرة وبيكون فرصة للمراجعة أفضل"، وقالت أخري: "الثانوية العامة يمتحنوا المواد غير المضافة للمجموع في نص السنة ويخلصوا منها بدري بدري.. ولا علي شهر ٣ بالكثير".
وأضاف عدد من أولياء الأمور تعليقات: "ياريت المدرسين ميستغلوش أعمال السنه مقابل إن الأولاد تدخل عندهم دروس ويكون في تنبيه وتفتيش على الموضوع ده.. أرجو تخفيف مناهج الصف السادس.. يكون في مدرسين جيدين للشرح.. نتمني ترجع الدراسة زي زمان ويكون في تعليم بجد".
عبير أحمد مؤسس أمهات مصر
عبير أحمد
تابعوا أخبار بلدنا اليوم على Google News
