قام أحمد عيد عبدالملك، لاعب نادي الزمالك السابق، والمدير الفني الحالي لنادي لافيينا، بتوجيه نقد لاذع لدكتور أشرف صبحي، وزير الشباب والرياضة، على خلفية قيام الأخير، بتعيين الدكتور عماد البناني، رئيسًا تنفيذيًا، ورئيس اللجنة المؤقتة التي تدير نادي الزمالك.
ونشر عيد تغريدة عبر حسابه الموثق على شبكة التواصل الاجتماعي "X"، يعبّر فيها مرة أخرى عن استياؤه من قرار الوزير للمرة الثانية.
وقال عيد: " هو سيادة الوزير جايب لنادي الزمالك واحد طالع يقول معنديش انتماء لنادي الزمالك ليه؟ وبيدير النادي في أخطر فترة في تاريخ النادي والزمالك عنده مليون مشكلة وعنده مليون كادر من ولاده يقدر يدير".
وأضاف: "الناس واقفة في النادي مش عوزاه يا سيادة الوزير وكل حاجة بتوصلكم، وليه من الاساس تشيل الراجل اللي رجع في أسبوع يظبط كل الامور، ما هو ده بردو مش طبيعي ولا منطقي وبدون اي اسباب".
وتابع لاعب الزمالك السابق: "الموضوع مش بالعافية و العند، لو عاوزين الزمالك يروح زي الاندية العريقة اللي راحت والزمن جه عليهم، مش هيحصل والله النادي ده بجمهوره وتاريخه وولاده هيفضل عايش غصب عن الكل".
واختتم عيد قائلًا: "يا أما تعرفونا لو الزمالك لازم يفضل كدة طول العمر دي تبقي حاجة تانية بقي، سيبو الزمالك يعيش يا أفندم".
تابعوا أخبار بلدنا اليوم على Google News
