اختار الفنان محمد الشقنقيري النجم محمد رمضان بين الفنان عمرو سعد وياسر جلال لإمكانية المشاركة معه بدور صغير حال ترشيحه لعمل فني قائلًا: "محمد رمضان ممكن أشارك معاه بدور صغير، وأنا بحب محمد رمضان، محمد مظلوم هي منظومة الإنتاج حطاه في حتة كده، لكنه ممثل كويس وعمرو سعد ممثل كويس جدًا".
وأضاف الشقنقيري خلال حواره مع الإعلامية إنجي هشام في برنامج المنسي عبر قناة هي:' محمد مهتم بكل حاجة، فبالتالي لما هتعملي حاجة مش هتكون حاجة وتعدي، وللآسف مشوفتش جعفر العمدة بسبب إني كنت مسافر، لكن سمعت أنه نجح جدًا".
وتحدث الفنان محمد الشقنقيري عن ذكرياته مع الفنان سعيد صالح وفاروق الفيشاوي والفنان محمود عبد العزيز: "الثلاثة أساتذة كبار، أستاذ فاروق خفة الدم ونكت 24 ساعه الله يرحمه، وأستاذ سعيد صالح الجدعنة، ومش هزار لو وقعت وحاسس إنك محتاج 100 جنيه وهو مش معاه غير الـ100 جنيه هيدهالك وهو رزقه على الله، أستاذ محمود عبد العزيز مؤرخ".
تابعوا أخبار بلدنا اليوم على Google News
