سيدة أمام محكمة الأسرة "زوجي خاني وأنا عندي كورونا"

انتشرت قضايا الخلع بشكل كبير خلال الفترة الراهنة، وتعددت أسبابها ما بين الخيانة والإدمان والعادات السيئة، وكذلك المبررات الغريبة وغير المنطقية، مما يدفع أحد الطرفين لإنهاء العلاقة الزوجية لعدم قدرته على تحمل ذلك.

وأكملت سهير قصتها "عندي 26 سنة و متجوزة  صبري من 6 سنين و عندي منه ولدين وعايشين في بيت عيلة, جوزي عمل عملية من سنتين و دراعه أتكسر ومن ساعتها وهو عاجز عن العمل وأنا اللي بصرف عليه, أنا بشتري فراخ وأبيعها والدنيا بتمشي معانا بالتساهيل ".

واضافت الزوجة: "اكتشفنا أن حماتي عندها كورونا وأنا عشان عايشة معاها وانا اتعديت منها بحكم اني قاعدة معاها وبخدمها فضلت فترة منعزلة في أوضة لوحدي مكنش حد بيشوفني ولا بشوف حد، وزوجي وعيالي كانوا قاعدين مع أهله وأنا مكنتش مخونة حد منهم ومديالهم الأمان في غيابي لأني كنت بعتبرهم أكتر من أهلي". 

وأكملت سهير: "وفي يوم كنت تعبت من العزل وقولت أطلع أبص علي جوزي وأطمن عليه، ولما طلعت لقيته قاعد مع سلفتي ومرتدي ملابس مكشوفة، عملت نفسي مش واخدة بالي وبينتلهم أني مشوفتش، وبعدها القصة دي أتكررت تاني وساعتها أضطريت أني أتكلم مع كل واحد فيهم لوحده عشان اعرف في ايه وكمان مينفعش يقدو بالملابس دي مع بعض"

وتابعت الزوجة: "أتكلمت مع زوجي وأتأسفت له وقولتله أنا عارفة أن العزل واخدني منك ومقصرة معاك بس أنا مش هقدر أشوفك قاعد مع ست غيري، وروحت لسلفتي وأتكلمت معاها وقولتلها أني لو شوفتها في الوضع ده تاني هتكلم مع جوزها وهعرفه كل حاجة ". 

وأستهلت سهير: "كنت طالعة الصبح أنشر غسيل على السطح وشوفتهم للمرة التالتة مع بعض, بس ساعتها كانوا الأتنين من غير هدوم خالص, أنهارت من العياط و الصدمة ولما هددتهم أني هفضحهم سحلوني علي السلالم و جتلي كسور في جسمي كله ".

وأوضحت سهير:" سيبت البيت بعد هذا الموقف وروحت عند أهلي جالنا الساعة 3 الفجر وأتهمني بالسرقة قدام أبويا وامي و أخواتي, ادعي أني سرقت من أهله 3 الاف جنية, وكان أثباته أنه راح للشيخ اللي في منطقتنا اللي بيكشف أعمال الناس في مراية, وشاف في مرايتي عند الشيخ أني سرقتهم".

واختتمت: "افترى وكذب وخيانة معنتش طايقة العيشة معاه معنتش عايزة اشوفو طبعا كل اللي بيقولو ده كدب عشان يعرف يغطي علي قصة خيانته ليا و مطلبش منه الطلاق و يضطر يديني حقوقي كاملة, ومن ساعتها وهو واخد عيالي مني وكل أمنيتي أني أطلق منه وأرجع أشوف عيالي تاني ".