عبر الإعلامي أحمد يونس، عن غضبه من إنتشار شائعة وفاته خلال الساعات الماضي، وذلك عبر صفحته على موقع التواصل الإجتماعي "الفيسبوك".
كتب قائلا :" مش معقول هوس الريتش يوصلنا للمرحلة دي؟ أنا والله ما فارق عندي واللي مكتوب لي هشوفه والموت حق، بس لما أصحى ألاقي الناس عمالة تبعت لي، أنا مش بعرف أرد على التليفون طول الوقت وفي ناس هتاخد العنوان المزيف وتنقله".
وتابع:"في ناس بيدوروا على الأخبار على جوجل لما ينط ده في وشهم مش هيقروا اللي جوا لأن العنوان قايم بالواجب وللأسف مش أول مرة تتعمل".
ومازح أحمد يونس قائلا:" للعلم وبالعند فيكم أنا الحمد لله بتحسن وهيطلع لي رجل جديدة بس اصبروا شوية.. الله يهديكم بجد.. البركة في السند جروب عيلة أحمد يونس دايمًا قايمين بكل واجب والله".
واختتم:" وعلى الجانب الآخر ألف شكر للصحافة والمواقع المحترمة وأهل الميديا اللي سألوا وتحروا الدقة في نقل أي حاجة، هو الحقيقة أنا أقل من ينزل عني أخبار، والموضوع الحمد لله ربنا لطف فيه لطف عظيم، بس كتر ألف خيرهم".
تابعوا أخبار بلدنا اليوم على Google News
