أمر المستشار طارق حسنين المحامي العام الأول لـ نيابة جنوب الجيزة الكلية بإحالة مندوبًا بشركة شحن إلى محكمة الجنايات لاتهامه بخطف سيدة متزوجة “طالبة بكلية تجارة” وإقامة علاقة معها عنوة، بعدما استمعت النيابة لأقوال المجني عليها.
وفي هذا السياق، سينشر موقع" بلدنا اليوم" نص أقوال المجني عليها، في القضية المعروفة إعلاميًا بـ " طالبة كلية التجارة".
س/ ما تفصيلات شكواك؟
ج/ اللي حصل أنى كنت متخانقة مع لؤي جوزي بسبب أكونت الفيس بوك بتاعي وهربت من البيت وأخدت موبایل علي أساس أروح بيت أهلي في حلوان، طلعت من مدخل العمارة بتاعتي ومشيت شمال العمارة، ومشيت شوية وكنت عاوزة أروح عند محل عصير قصب علشان أهدى شوية وأرجع البيت تاني، وحسيت إن جوزي لؤي ماشي ورايا ومكنتش عاوزاه يشوفني علشان ميتخانقش معايا علشان أخدت التليفون بتاعي من وراه، نزلت من البيت ودخلت عمارة جنب بتاع العصير على طول علشان استخبى فيها من جوزي.
وتابعت: وأنا واقفة سمعت صوت حد نازل من على السلم وطلعت استخبي ما بين الدور الأول والدور الثاني وعملت نفسي نازلة من العمارة وشوفت الشخص ده وكان لابس جلابية سودة، وقفني وسألني إنتي بتعملي أيه هنا؟، قولت له أنا دخلت العمارة بالغلط، قالي مفيش الكلام ده إنتي حرامية والعمارة مسروق منها حاجات والكاميرا جايباكي، مسكني من إيدي وقالي أنا مش همشيكي من هنا غير لما المباحث تيجي، قولت له سيب إيدي ومتلمسنيش ولو سرقت حاجة أنا موجوده أهو وريني الكاميرات اللى بتقول عليها وقام منزلني على الدور الأول قدام باب شقة.
أضافت: وفهمني أن الشقة فيها سكان العمارة اللى مسروق منها الحاجات وهما قاعدين جوه، وقالي إدخلي لحد المباحث ما تيجي وخبط على الباب ومحدش رد، بعدها سمعته بيقول أنا افتحي على أساس إن فيه حد عنده في الشقة، بعدها طلع مفتاح الشقة وقام فاتحها بالمفتاح، ولما فتح الباب لاقيت الصالة فاضية ومفيهاش حد، ابتديت أعلي صوتي عليه وأقول له هما فين الناس دول إنت بتضحك عليا، ولما صوتي بقى عالي قام مطلع سلاح أبيض صغير وقالي أنا مش عاوز منك حاجة، أنا عاوزك نص ساعة، قولت له هو إنت مش متجوز؟، ترضى حد يعمل كدة في أختك أو أمك أو مراتك حرام عليك أنا متجوزة وكل الموضوع إني متخانقة مع جوزي وسايبة طفل صغير وأنا واقعة في مشكلة أبوس إيدك سيبني وقعدت اتحايل عليه؟.
وأوضحت: بعدها قام ضربني وبعدها لقيته بيطلع سيجارة حشيش ملفوفة، وقالى أنا هشربها تكوني دخلتي الحمام وقلعتي وماسبنيش وبعدين عمل معايا علاقة غصب عني، وبعد ما خلص فتح لي الباب وقابلت 3 رجالة في العمارة وست وحكيت لهم مصدقوش، وقالوا ده أكتر حد محترم في العمارة، وبعدين جابوا الكاميرات وبصوا وشافوا وكلموا المباحث وقبل ما ندخل عليه مراته جت وفتحت الباب وقبضوا عليه.
جاء بأمر الإحالة، أن المتهم خطف المجني عليها كرهًا عنها بأن أقتادها عنوة لداخل العين محل سكنه بعد أن أوعز لها بتسليمها إلى الشرطة لارتيابه فيها بأنها تقوم بالسرقة أو يتركها إذا قامت بعلاقة معه.
تابعوا أخبار بلدنا اليوم على Google News
