مقاطع فيديو وصور مخلة.. نص أقوال راندا عبدالسلام بعد ابتزازها

أمر المحامي العام لنيابة أكتوبر الكلية بإحالة المتهم بابتزاز الفنانة راندا عبد السلام وتهدديها بنشر صور خادشة لشرفها ومقاطع إباحية، إلى محكمة الجنايات كما استمعت النيابة إلى أقوال المجني عليها التي جاءت كالتالي.

س / ما سبب حضورك لسراي النيابة اليوم؟

ج/ انا جيت بناء على طلب النيابة العامة

س/ ما هي تفصيلات شكواك؟

ج/ اللي حصل إن في شهر رمضان اللي فات بعد عرض مسلسل الخاص بي "فارس بلا جواز " لقيت صفحات وأكونتات على موقعى الانستجرام والفيس بوك بتنزل كلام عنى إساءة لسمعتى وعرضى، وبلغت في اللي حصل كده وعملت محضر وده أثر عليا وعلى أهلی وشغلی وسبب في فسخ عدة تعاقدات مع شركات الإنتاج وضرر مادی وأدبی جسیم وبعت رسائل لكل الناس اللي أعرفهم وبناتی وقرایبی وأصحابي في الشغل تسيء إلى سمعتى وعرضی وبعد كده لما بعت أسأله هو بيعمل كده ليه وعايز إيه قال إنه عايز منى فلوس ودهب وألماظ وطلب مبلغ مالی ٥٠٠٠٠ جنيه فأنا رحت بلغت في قسم تكنولوجيا المعلومات.

س/ وما الذي حدث تحديدا آنذاك؟

ج/ اللي حصل إن في واحد مستخدم حساب " 1 ranfa_reklam" على موقع انستجرام " Instagram" بیهددنی و بیبعت رسالي لحسابي على نفس الموقع " Randa_abdelsalm_official" وطلب منى فلوس و دهب و الماظ وعشان يبطل يبعت رسايل للناس و يقفل الصفحة اللي بتسيء إلى سمعتي وده سبب ليا في أضرار مادية و معنوية جسيمة.

س/ وهل بلغ المتهم مقصده من ذلك؟

ج/ هو مخدش منى فلوس بس شهر بیا وبسمعتى وبعت كلام يسيء لى لأصدقائي والمتابعين بتوعى وتسبب ده في إن عقدين لشركات إنتاج بمبالغ نقدية كبيرة وقفت عقودها وده عمل ضرر ليا كبير ماديا وأدبیا.

س/ وهل مازالت ذلك الحساب قائما؟

ج/ الحساب ده اتقفل بعد ما عملت المحضر والفحص الفني عرف المستخدم بتاعه، لكن في حسابات تانى استمرت بالتشهير بي والإساءة إلى سمعتى لغاية من شهرين فاتوا.

كما قام المتهم بنشر الصور  على طريق الشبكة المعلوماتية عبر موقع التواصل الاجتماعي “ إنستجرام “ أخبارا عن وجود صور ومقاطع إباحية تنتهك خصوصية ”راندا” المجني عليها سالفة الذكر دون رضاها، سواء كانت تلك المعلومات المنشورة صحيحة أو غير صحيحة وأنشأ وأدار حساباً خاصاً على موقع التواصل الاجتماعي "انستجرام " باسم randa_reklaml وذلك بقصد ارتكاب الجريمة محل الاتهام السابقين والمعاقب عليها قانوناً.

وتعمد المتهم إزعاج ومضايقة راندا عبدالسلام المجني عليها سالفة الذكر، وكان ذلك بإساءة استعمال جهاز اتصالات وهو الهاتف من خلال حسابه عبر موقع التواصل الاجتماعي "إنستجرام".