أخر تطورات الحالة الصحية للفنان طارق عبد العزيز

تعرض الفنان طارق عبد العزيز لأزمة صحية مفاجئة خلال الساعات الماضية، وذلك بعد إجرائه بعض الفحوصات الطبية الدورية، واكتشافه وجود مشاكل في رسم القلب.

وأوضح الفنان مفيد عاشور أخر تطورات الحالة الصحية لـ طارق عبد العزيز، عبر حسابه الرسمي بموقع "فيسبوك"، معلقًا: "صباح الخير، فى مكالمة تليفونية بيني وبين صديقي الفنان طارق عبد العزيز الآن

هو بخير والحمدلله".

وأضاف "وهو يطمئن جميع الأصدقاء والزملاء ويشكر كل من سأل عليه ، وهو بالمستشفى لاستكمال باقي الفحوصات الطبية.. شفاك الله وعافاك اللهم آمين يارب العالمين".

وعلقت الإعلامية رانيا فوزي على الأزمة الصحية للفنان، وذلك عبر حسابها الشخصي على موقع "فيسبوك"، قائلة: "وأنا صغير عملت مشكلة في المدرسة واستدعاني مدير المدرسة و كان ناوي يعاقبني واما عرف اسم بابا قال طيب هسامحك المرادي وما تعملش كدا تاني وقال لباقي المدرسين معلش سيبوه ابوه كان محترم قوي.. وقتها فهمت أن سيرة الأب بتأثر على الأولاد ..".

وتابعت "أما بييجي ليا عمل بيكون نفسي أنه ينفع الناس والشباب أو على الأقل ما يضرش حد.. مش عاوز حد يوم يقابل ولادي يقولهم أبوكم ساهم في خراب أجيال.. عاوز الناس تقول لأولادي أبوكم كان محترم".

وأردفت فوزي "دي كلمات الفنان طارق عبد العزيز ليا في اول لقاء سافر فيه ساعة ونص سايق لحد ما وصل للفندق الي انا كنت فيه في مصر علشان يشوف صديقة علي فيس بوك بيعجبه الي هيا بتكتبه .. .. مش عاش دور الفنان وقال هيا الي تيجي .. كان بيقول عاوز اشوف الست المصرية قوي دي رغم انها عايشة بعيد عن مصر .. قلت له مين عارف يمكن نتقابل في مهرجان كان .. قال يااااااه دا بعيد قوي .. مافيش حاجة بعيدة علي ربنا .. بعد اقل من سنة جه فعلا بفيلم لمهرجان كان .. وجه لحد موناكو وكنا سعداء بيه جدا..".

وأكدت أن "طارق رجل مصري اصيل ومحترم وبيقدر ويحترم الناس جدا .. جروب هندي اما عرفوا انه فنان مصري طلبوا صورة وقف واتصور..".

واختتمت الإعلامية منشورها، قائلة: "دلوقتي وانا شايفة الناس كلها بتدعي له .. عاوزة اقوله انت اتحقق ليك الي كنت بتتمناه يا طارق .. البني ادم سيرة .. وسيرتك حلوة .. ربنا يشفيك ويرد عليك عافيتك .. وتعود لاسرتك واحبابك في احسن حال".