تصدر اسم الفناني هشام إسماعيل وأحمد مكي موقع التغريدات "تويتر"، وذلك بعد اقتراحه على عمل المنافسة الرياضية فى مصر كنوع من الترفيه والتغيير.
أوضح هشام إسماعيل عبر حسابه الشخصي على "فيسبوك"، معلقًا: " ماتيجوا نعمل المنافسة الرياضية فى مصر كنوع من الترفيه و التغيير سنتين تنافس شريف و سنتين تنافس زى اللى بيتعمل دلوقتى، سنتين الرعاة يتفتح لهم الباب بشفافية و يختاروا النادى اللى يعجبهم بحرية".
وتابع "ويدفعوا و يستثمروا و حق البث التليفزيوني متقارب زى الدورى الانجليزى طبقا لاعتبارات المشاهدة و اهمية اللاعيبة فى كل نادى وسنتين الراعى يكون واحد بس موجه لنادى واحد بس و يسفلت حقوق باقى الأندية".
وأضاف " سنتين قوانين محترمة و حكام محايدة و لوائح واضحة و شباب بيفهم فى الادارة الرياضية و سنتين لوايح مطاطة و حاجعامر و اختيار حكام بالمزاج والڤار عطلان معلش".
واختتم الفنان " سنتين خطاب اعلامى رياضى متزن و محايد فعلا و هدفه الارتقاء بالرياضة المصرية و سنتين هدفه كسب ود اللى معاهم الرعاية و الفلوس و يقبضوا و يتفسحوا معاهم طب و الله الدنيا هتبقى لذيذة جدا".
وقام عدلي القيعي رئيس شركة كرة القدم بالنادي الأهلي، بالتعليق على ذلك، قائلًا: "الأستاذ فزاع عايز الرعاية تتقسم على الأندية بالتساوي، طيب أنت ليه مبتاخدش نفس أجر الزعيم عادل إمام؟ انت لا تجرؤ تفكر فيها حتى وأنت نائم ولو حصل هتقوم مفزوع".
وتصدر اسم الفنانين على موقع التغريدات "تويتر"، حيث علق أحد المشاركين بالهاشتاج، موضحًا: "عندى نصيحه للفنان هشام إسماعيل الشهير بفزاع واضح أنك زى معظم جماهير الزمالك بتفهم ف الرعاية والتسويق والحقوق التجارية ليه ما تستغلش خبراتك الكبيرة دى وتتطلب أن كل الممثلين و الممثلات ياخدوا نفس الأجر والمقابل المادى ليه انت مثلا ماتخدش زى محمد رمضان مع أنه أصغر منك وأحدث ف المهنه".
وأضاف أخر "طيب انا هاسألك سؤال بسيط: هشام إسماعيل اللي هو فزاع شارك مع أحمد مكي ف 7 مواسم من الكبير أوي كان فيهم أحمد مكي البطل طبعاً السؤال هنا هل فزاع أخد نفس أجر أحمد مكي البطل؟؟ طيب هل الناس كانت بتشاهد المسلسل علشان أحمد مكي ولا علشان فزاع؟؟ الفرق كبير جدا بين البطل والكومبارس".
تابعوا أخبار بلدنا اليوم على Google News
