أثارت الفنانة بسمة بوسيل طليقة النجم تامر حسني، الجدل خلال الساعات الماضية، بعد هجومها على مديرة أعماله هالة عمر فور احتفالها بحفل زفافها.
تامر حسني
بدأت الخلاف عند احياء تامر حسني حفل مديرة أعماله هالة عمر، الذي أقيم أمس، ونشر على صفحته الرسمية على موقع التواصل الإجتماعي الفيسبوك مقطع فيديو من الفرح وعلق عليه :" لكل اللي بيسأل عن ايه وجه القرابه بيني و بين العروسه الجميله دي شايف اسأله كتير انا هحكيلكوا هي اسمها هاله عمر عرفتها كانت بنت من الفانز صغيره و من المقاتلين و المدافعين عن تامر على الانترنت و من كتر دفاعها عني لفتت نظري و مرة رديت عليها شكرتها و لما سافرت إسكندرية في الوقت ده لقيت بنت صغيرة أوي بتعيط و بتجري عليا وقفتلها وفكرتني بنفسها».
تابع: "و فضلت تعيط و تقولي احنا معاك ولازم تكمل عشان كنت بتحارب جداً في بداياتي فا اتصدمت أن اللي بتقول كده بنت صغيرة كده و المجهود ده كله اللي عاملاه بنت صغيرة عندها 14 سنة وقتها كانت السوشيال ميديا لسه بتطلع وكنا في شركتنا بندور على شركة كبيرة تمسكلي السوشيال ميديا لحد ما قولتلهم أنا مش عايز شركة كبيرة أنا عايز البنت الصغيرة دي هي اللي تمسكها فضلوا يقنعوني أن كده مش صح ولازم أكتر حد خبرة يمسكها و’نا قولت لا لازم ’كتر حد بيحبني هو اللي يمسكها وأنا واثق أن طاقة الحب مفعولها أقوى من طاقة المحترف بلا حب".
وواصل: "فعرضت عليها تشتغل معايا و هي في السن ده مصدقتش طبعاً و من ساعتها و هي اللي ماسكه كل شغل الميديا الطفلة الشاطرة اللي كبرت دلوقتي قدامكم هاله عمر، أما بقى عريسها العسل ده اسمه عمرو طلب إيديها مني أنا عشان والدها و والدتها توفاهم الله في سنه واحدة رحمهم الله ياريت نفتكرهم ونهديلهم ثواب الدعاء والفاتحة".
أضاف تامر حسني: "ومن اللحظة دي اتحولت هالة لبنتي الكبيرة بجد اللي بتتجوز دلوقتي قدامي وبسلمها لعريسها بنفسي وبغني في فرحها، معرفتش ارد على كلامك عني في الفرح يا هالة رديت دلوقتي هنا ربنا يكرمك ويسعدك مع جوزك الجميل المحترم اللي هيكون ضهرك وسندك ويكمل معاكي مشوار حياتك مع أولادكم الجُمال بإذن الله".
بسمة بوسيل
وبعدها قامت طليقته بسمة بوسيل عبر حسابها الرسمي بموقع تبادل الصور والفيديوهات "إنستجرام" من خلال خاصية “ستوري” صورة حفل زفاف مديرة أعماله قائلة: "حسبي الله ونعم الوكيل فيكي يا هالة"
واوضحت بسمة بوسيل بعدها من خلال "ستوري" أخرى : “احترام العشرة بيبتدي باحترام مشاعر غيرك، خاصة لو سبب في خراب بيتك وهدم حياة أولادك”، وقامت بنشر صورة عبر خاصية القصص المصورة لها
ولكن لم يقف الموضوع هنا فقط وقامت مديرة أعمال بسمة بوسيل، بنشر صورة قديمة تجمعها بها وهي في سن أصغر بجانب“بسمة، وعلقت عليها: “بفكرك بحالك”.
خلال هذة المشادات، بدأ الجمهور يسترجع سبب انفصال تامر حسني وبسمة بوسيل، التي ترى أن هالة كانت سببا في انفصالها عن زوجها تامر حسني، لأنها هي من عرفته على الممثلة يارا السكري، ليتزوج منها.
ولكن حتى الآن لا يوجد رد من الفنان تامر حسني ولا مديرة أعماله هالة عمر، خاصة من مهاجمتها لهم بشكل صريح، ولم تخرج يارا السكري لتنفي ما يتداول من أخبار حول وجود علاقة عاطفية تجمعها بالفنان تامر حسني.
تامر حسني وزينة وبسمة بوسيل
تامر حسني وبسمة بوسيل
تامر حسني وزوجته بسمة بوسيل
تابعوا أخبار بلدنا اليوم على Google News
