وجهت الفنانة زينة رسالة تهنئة لـ هالة عمر مديرة السوشيال ميديا الخاصة بالفنان تامر حسني، وذلك بمناسبة حفل زفافها.
نشرت زينة فيديو يجمع هالة عمر بزوجها والفنان تامر حسني داخل حفل الزفاف، وذلك عبر خاصية الاستور بحسابها الرسمي على موقع "انستجرام".
تامر حسني وزينة وبسمة بوسيل
وعلقت الفنانة، قائلة: "مبروك يا أحلى عروسة ربنا يسعدك ويفرح قلبك، يا أطيب وأجدع بنوتة، والله كان نفسي أكون معاكي أوي بس بصور على عيني والله، بس ايه الحلاوة دي ربنا يسعدك انتي والعريس، مبروك ياروحي".
وأضافت "الله يرحمهم يا حبيبتي أكيد هنا فرحانين بيكي وروحهم حواليكي، ربنا يفرح قلبك يارب".
والجدير بالذكر أن طليقة تامر حسني، الفنانة بسمة بوسيل هاجمت بالأمس هالة عمر، ونشرت مقطع فيديو لحفل الزفاف، معلقة: "حسبي الله ونعم الوكيل فيكي يا هالة".
وتابعت بوسيل "احترام العشرة بيبتدي بإحترام مشاعر غيرك، بالذات لو حد كان سبب رئيسي في خراب بيتك وهدم حياة ولادك..".
تامر حسني وزينة وبسمة بوسيل
واختتمت الاستوري، موضحة "الأفعال تتحدث بصوت أعلى من الكلمات.. الغي المتابعة للحياة".
وقالت عبر ستوري أخر: "ويخشى الله عليك من سوء اختيارك، فينتشلهم من حياتك، فتيأس لسوء ظنك انه ابتلاك لتعلم بعدها أنه نجاك".
وفي نفس السياق، نشر الفنان تامر حسني فيديو يجمعه بـ هالة عمر وزوجها داخل حفل الزفاف، معلقًا: " لكل اللي بيسأل عن ايه وجه القرابه بيني و بين العروسه الجميله دي شايف اسأله كتير انا هحكيلكوا".
وأردف "هي اسمها هاله عمر عرفتها كانت بنت من الفانز صغيره و من المقاتلين و المدافعين عن تامر على الانترنت ومن كتر دفاعها عني لفتت نظري ومره رديت عليها شكرتها".
وتابع تامر حسني "ولما سافرت اسكندريه في الوقت ده لقيت بنت صغيره اوي بتعيط و بتجري عليا فا وقفتلها وفكرتني بنفسها و فضلت تعيط وتقولي احنا معاك و لازم تكمل عشان كنت بتحارب جداً في بداياتي فا اتصدمت ان اللي بتقول كده بنت صغيره كده".
وأضاف "والمجهود ده كله اللي عاملاه بنت صغيره عندها ١٤ سنه وقتها كانت السوشيال ميديا لسه بتطلع و كنا في شركتنا بندور على شركه كبيره تمسكلي السوشيال ميديا لحد ما قولتلهم انا مش عايز شركه كبيره".
وأعرب "انا عايز البنت الصغيره دي هي اللي تمسكها فضلوا يقنعوني ان كده مش صح ولازم اكتر حد خبره يمسكها وانا قولت لا لازم اكتر حد بيحبني هو اللي يمسكها و انا واثق ان طاقة الحب مفعولها اقوى من طاقة المحترف بلا حب فعرضت عليها تشتغل معايا و هي في السن ده مصدقتش طبعاً".
وكشف "ومن ساعتها و هي اللي ماسكه كل شغل الميديا الطفله الشاطره اللي كبرت دلوقتي قدامكم هاله عمر ،،، اما بقى عريسها العسل ده اسمه عمرو طلب اديها مني انا عشان والدها و والدتها توفاهم الله. في سنه واحده رحمهم الله ياريت نفتكرهم و نهديلهم ثواب الدعاء و الفاتحه .. و من اللحظه دي اتحولت هاله لبنتي الكبيره".
واختتم "بجد اللي بتتجوز دلوقتي قدامي و بسلمها لعريسها بنفسي و بغني في فرحها ، معرفتش ارد على كلامك عني في الفرح يا هاله رديت دلوقتي هنا ربنا يكرمك و يسعدك مع جوزك الجميل المحترم اللي هيكون ضهرك و سندك و يكمل معاكي مشوار حياتك مع اولادكم الجُمال بإذن الله".
والجدير بالذكر أن انتشرت أخبار بـ وجود علاقة بين تامر حسني ويارا السكري، بعدما هاجمت بسمة بوسيل، هالة عمر مديرة العلاقات العامة والميديا لـ تامر حسني لحضور الأخير حفل زفافها، إذ اكدت أنها سبب رئيسي لطلاقها وخراب بيتها وهدم حياتها وحياة أبنائها، وهو ما جعل البعض يزعم أن هالة عمر كانت السبب وراء علاقة يارا السكري بـ تامر حسني خاصة لوجود صداقة بينها وبين يارا.
تجاهلت يارا السكري الأنباء التي انتشرت وزعمت وجود علاقة بينها وبين المطرب تامر حسني، وشاركت يارا السكري جمهورها بمقطع فيديو وهي تروج للسياحة في مصر وتزور بعض الأماكن السياحية كالأهرامات، وعلقت: "السياحة المصرية ليس لها مثيل في العالم، ودائمًا تأتي مصر في المقدمة، جمالها لا يضاهى..أدعم السياحة المصرية".
تامر حسني وزينة وبسمة بوسيل
تامر حسني وزينة وبسمة بوسيل
تامر حسني وزينة وبسمة بوسيل
تامر حسني وزينة وبسمة بوسيل
تامر حسني وزينة وبسمة بوسيل
تابعوا أخبار بلدنا اليوم على Google News
