كشفت الفنانة شيرين عبد الوهاب، عن سعاتها للمشاركه في حفل روائع محمد الموجي، مشيرة إلى أنها تحضر لعديد من الحفلات خلال الايام القادمة.
قالت الفنانة شيرين عبد الوهاب خلال لقاءها مع الإعلامي عمرو أديب في برنامج "الحكاية": عن رأيها في المزيكا في الوقت الحالي :" المزيكا دلوقتي زي الفل، وكل واحد بيقتني منها اللى هو عايزه".
تابعت "إحنا كجيل حضرنا المزيكا في عصرين، حضرنها في الكاسيت والـ cd، حضرت العصرين، وبعتبر نفسي قديمة جديدة، دلوقتي فيه منصات كتيرة جدًا، وأي شخص لو عنده موهبة في أي شئ أنه يقدمها، والجمهور هيشوفها على التليفون وهيدعمه في ساعتها، الدنيا سهلة بس انتوا ابدعوا".
وتابعت: "لما هقعد في البيت ومولعة شمعتين وعايزة أعمل دماغ حلوة بالمزيكا هسمع عبد الحليم حافظ وأم كلثوم، وأنا على فكرة لما بطبخ بحب أسمع وردة الجزائرية وخصوصًا لما بطبخ".
ومشيرة إلى أنها تحب الطبخ قائلة: " لسه بطبخ وطول عمري ست بيت ومفيش ست بيت مبتطبخش".
كشفت الفنانة شيرين عبدالوهاب تفاصيل اطمئنانها على صحتها بعد وقعة مسرح حفل دبي الأسبوع الماضي.
قالت:" وبعد وقعة مسرح دبي، جابولي دكتور اللي بيعالج كريستانو رونالدو، وعملي علاج طبيعي، وبقالي 3 أيام بعمل علاج طبيعي وبيتم ربط رجلي ببلاسترات طويلة، وريحتني جدًا، وبشكره جداً".
كشفت شيرين عبد الوهاب عن الأعمال التي تحضر لها خلال الفترة القادمة، قائلة:" قريب في خلال الخمسة عشر اليومين القادمين هناك حفلات قادمة وهناك حفلة ليلة شوشو، ولقب صوت إحساس العرب مسئولية كبيرة يارب أكون قدها".
أعربت المطربة شيرين عبد الوهاب عن سعادتها بالمشاركة في حفل روائع الموجي، المقام بالأمس، بالمملكة العربية السعودية على مسرح أبو بكر سالم، موجهةً رسالة شكر للمستشار تركي آل الشيخ رئيس هيئة الترفيه السعودي.
شيرين عبد الوهاب
شيرين عبد الوهاب
شيرين عبد الوهاب
تابعوا أخبار بلدنا اليوم على Google News
