أمي كانت كدا.. السيسي: سبب الرحمة والحنية اللي عندي البيت الذي عشت فيه

أكد الرئيس عبدالفتاح السيسي، على دور الأم والأخت والبنت، في بناء المجتمع المصري، قائلا: "الدور كبير للأم والأخت والبنت كمان مهم قوى في المجتمع اللى إحنا موجودين فيه".

وأضاف الرئيس السيسي خلال احتفالية المرأة المصرية: "دى نقطة مهمة جدا ومسؤولية البيت، مضيفا بتكلم معاكم كأهلي وأسرة بنتكلم، لو كلنا أخدنا بالنا في بناء الإنسان، الولد أو البنت وفهمناهم كويس ووعيناهم كويس من وهما صغيرين لغاية لما يكبروا النقط دي هتبقا محل اعتبار في التعامل مع بعضنا، مش هنشوف تنمر ومش هنشوف في الشارع حاجات تانية كتير".

وأوضح الرئيس: "الموضوع واللى إحنا بنقابله في مجتمعنا مبنية على كتاف الست، وفيه ناس كتير بيقولوا أنت سبب الرحمة اللى عندك والحنية، بقولهم البيت اللى أنا عشت فيه كان كده، كانت أمي كده".

وشهدت فعاليات احتفالية تكريم المرأة المصرية والأم المثالية 2023، بحضور الرئيس عبد الفتاح السيسي، والسيدة انتصار السيسي، قرينة رئيس الجمهورية، عرض فيلم تسجيلي بعنوان "كلام من القلب"، بمشاركة أحمد رأفت مذيع الشارع، حيث تحدث مع نماذج من المرأة المصرية.

ويحرص الرئيس السيسي، على حضور الحفل كل عام تقديراً لدور المرأة المصرية، وتأكيداً من الرئيس السيسي دائماً على احترام المرأة المصرية التى تناضل فى كل ميادين الحياة.

وحققت المرأة المصرية، منذ تولى الرئيس السيسي الحكم، الكثير من المكاسب لصالح المرأة المصرية وتمكينها، فلدينا الآن أكبر عدد من الوزيرات في تاريخ الحكومة المصرية، والمرأة وصلت إلى منصب المحافظ، إضافة الي الكثير من المراكز القيادية في مختلف مؤسسات الدولة.

وشهد الرئيس عبدالفتاح السيسي، فقرة شعرية قدمها الشاعر فارس قطرية، خلال احتفالية المرأة المصرية والأم المثالية لعام 2023.

وجاء في بعض أبيات الشعر التي قدمها فارس قطرية: "عمركم شوفتوا واحدة رجلها تخطي مكان يوسع ويبان أجمل بكتير، واحدة أما بتصحى الكون يصحى ويطرح عصافير، إنسانة جميلة يدوب تضحك تبهت أفراح على أي جراح، ضهرك مسنود بيها ومرتاح وعينها راحة من المشاوير".

وتابع: "دي أمي، ست الستات، والراس والعين والنور في العيشة وأيامها، الصبر إن شاف أمي في شارع.. والله ليركع قدامها".