قام أحمد ثروت نجل المطرب الكبير محمد ثروت بالسفر إلي ألمانيا لتلقي العلاج هناك، بعد اصابته بمرض مناعي نادر، حيث تدهورت حالته الصحية خلال الفترة الماضية.
وكشف عثمان بدران التفاصيل الكاملة عن تدهور الحالة الصحية لاحمد ثروت قائلا:" من فترة كنت كتبت علي قصة الضغط العصبي و ان مافيش حاجة مستهلة و ده كان بسبب حبيبي و صديقي أحمد ثروت اللي عنده ٣١ ولا ٣٢ سنة و هو عنده شركة في مجال الدعاية و الاعلان .. زميل صنعة زي ما بيقولوا و من شوية ضغط في الشغل في خلال السنوات اللي فاتت جات له جلطة في عينه الشمال و الحمد لله بتتحسن و لكن تطور الموضوع اكتر و جه له مرض في الاعصاب نادر اوي اوي اسمه "متلازمة الميلر فيشر" و ده مرض بيجي ١٪ في المليون بيخلي الجهاز المناعي يهاجم الجهاز العصبي و حاليا مأثر علي رجله الشمال تماما و اليمين بنسبة ٥٠٪ زي ما أحمد قال لي".
وأضاف :"الحمد الله عزيمة أحمد في حتة تانية خالص و بيهزر و بيضحك و مؤمن و مبسوط ان ربنا اختصه .. بس النهارده يوم مهم جداً. أحمد سافر لألمانيا علشان المرض ده محتاج مركز متخصص لعلاجه و النهارده هيسحبوا عينه مياه من المخ علشان يحددوا الموضوع اكتر و يحطوا بروتوكول للعلاج بإذن الله، بناء علي نتيجة النهارده هيتحدد حاجات كتير اوي".
وتابع :"فضلا و ليس امراً ندعي لأحمد لعلكم اقرب الي الله انه يشفيه و يهون عليه و يربط علي ابوه الخلوق الجميل محمد ثروت و أمه و اخته و خطيبته".
تابعوا أخبار بلدنا اليوم على Google News
