قام الفنان إسماعيل فرغلي، بتوجيه عده نصائح للشباب المقبلين على الزواج من أجل الحصول على حياة ناجحة و خالية من المشاكل، ونصحهم :" اتخانقوا جوا البيت، طول ما الحكاية جوا البيت سهل تتحل، والزوج والزوجة أسرارهم لو طلعت برا البيت بيبقى شكراً، سهل ينفصلوا".
وووجه نصيحة ايضا للسيدات للحفاظ على بيتها ، قائلاً:" اوعي لو عرفتي إن جوزك بيخونك تتحديه انتي الخسرانة، هتخشي في حرب معاه، إديله فرصة يحاسب نفسه، عادي الإنسان ممكن يغلط، بس متبقاش الست ند بند، إدي فرصة للراجل إنه يحاسب نفسه، هيصعب عليه نفسه".
وكشف فرغلي لجمهولره نموذجا عن نفسة عندما تلقي عرضاً للزواج من ملكة جمال لبنان، لكنه رفض من أجل أولاده، موضحا :" كان فيه مغريات، ودي كانت برا مصر والظروف كلها متاحة، وهي اللي عرضت الجواز عليا أيام ما كنت صغير، والحوار حصل برا مصر، إتأثرت شوية، ولكن أصعب حاجة على الزوجة إن جوزها يتجوز عليها، اللي كان فارق لي الولاد، ضفر ولادي بالدنيا كلها، كنت ببقى قاعد معها مكنتش مصدق إن دي بتحبني أنا، لإن مكنش حظي في الوسامة، كانت ملكة جمال الكل بيتمناها، وأنا واحد من الناس كنت بتمناها".
ويذكر أن أخر الأعمال الفنية لفرغلي هي مشاركتة في مسلسل "العيلة دي"، وهو بطولة وفاء عامر، محمد ثروت، إسلام إبراهيم، إنعام سالوسة، يوسف عثمان، سلوي عثمان، ريهام الشنوانى، مؤمن هشام، ضياء الميرغني، سلوى عثمان، علا رامي،محمد أبو داود، هايدي رفعت، ياسمين سمير، مها سلامة، عمرو فريد، وعدد من الفنانين الشباب والعمل فكرة يسري الفخراني، تأليف أماني التونسي وشارك فى الكتابة ياسمين رفعت وإخراج أحمد خالد أمين وإنتاج شركة أورما.
تابعوا أخبار بلدنا اليوم على Google News
