أكد الموسيقار هاني شنودة، على استمراره في متابعة أصوات المطربين الجدد، مثلما كان يفعل في الماضي، مشيرا أنه يستمع لمطرب الراب ويجز، ومطرب المهرجانات حسن شاكوش، وكل المطربين الشباب، «بسمع كل حاجة عشان اعرف احنا رايحين فين».
وأضاف شنودة في برنامج «الستات»، والمذاع عبر فضائية «النهار»، قائلا: «كنت عايز الحن لويجز قبل كدة، ولسة التحدي قائم، لأن ويجز هو رئيس هذه المرحلة، واذا دخلت للريس الباقي هيعمل زيك، وانا كنت رافض مرحلة المهرجانات بسبب كلماتها، طول ما هما بيرقصوا الناس معنديش مشكلة، لكن الكلمات كان فيها ترويج للمخدرات».
وأشار: «كان عندي موقف من كلمات المهرجانات مش المهرجانات نفسها، والمرحلة دي بتاعت الراب، وكلماتها مناسبة، وويجز تقلان عليا ولم نتواصل لتحضير اي عمل حتى الان، ومن حقه يتقل، لان الشباب معتقدين ان الجيل الاقدم عقولهم مغلقة».
تابعوا أخبار بلدنا اليوم على Google News
