علق بهاء مجدي مدافع نادي الزمالك السابق، على تذيل فريق الإسماعيلي، ترتيب جدول الدوري المصري، واقترابه من الهبوط لدوري الدرجة الثانية.
وقال بهاء مجدي، عبر صفحته الشخصية على موقع التواصل الاجتماعي فيسبوك: "أنا مش شايف إن المركب غرقت خلاص لسه بدري ماتشين مكسب ورا بعض هيرجعوك نص الجدول".
نرشح لك: مواعيد مباريات اليوم الإثنين 16 - 1 - 2023 والقنوات الناقلة
وأضاف: "اللي بيحصل دلوقتي هو اللي هيغرق النادي، اللاعيبة دي غصب عنك هتكمل بيها الموسم، ادوهم ثقة لآخر نفس عشان مصلحة النادي مش عشانهم بدل ما تقطعوا فيهم وتدمروهم نفسيًا وده هيأثر عليهم في الملعب".
وتابع: "حرام تجيب لاعيبة صغيرة إعارة تشيلهم مسئولية زي دي، وفي الآخر هما عارفين إنهم ٦ شهور وماشيين مش هيفرق معاهم".
وأتم بهاء مجدي: "الأندية اللي عاوزه تساعد الإسماعيلي تبعت إعارة تشيل النادي مش لاعيبة صغيرة ملعبتش ماتش.. بلاش هبل جمهور الإسماعيلي يقدر يحرك الحجر مش يجيب ٦ بنط بس.. ماتيأسوش".
الإسماعيلي يعاني من شبح الهبوط
ويعاني الدراويش، من شبح الهبوط، حيث يتذيل جدول الدوري، في المركز الثامن عشر والأخير برصيد 7 نقاط.
وخاض الإسماعيلي، 13 مباراة، خسر في 8 لقاءات، وتعادل في 5، ولم يفز بأي مباراة.
تابعوا أخبار بلدنا اليوم على Google News
