حل الفنان عمرو مصطفى، ضيفًا على قناة الحرة، خلال لقاء تليفزيوني، ببرنامج "مشاهير الحرة".
نرشح لك: الأب الروحي.. طلاب علوم الأزهر ينظمون ممرًا شرفيًا للدكتور محمود الهادي أستاذ الفيزياء | صور وفيدو
ويُقدم لك "بلدنا اليوم" أبرز تصريحات عمرو مصطفى، خلال اللقاء.
- انا الملحن الوحيد اللي لازم المطرب يتحايل عليه عشان يشتغل معاه.. ويتحايل اوي ويقعد مثلا 4 أو 5 شهور علشان ياخد أغنية.
- أنا مش زعلان أن حد ألحن له أو لا لأن مفيش حد مهم.. المهم حب الجمهور.
- الوسط الفني طلع له شوية أطفال علموهم الأدب، واللي مشي ورا الأطفال خسر الأطفال، وخسر اللي كانوا بيسمعوه، من احترم نفسه وقعد وفكر وذاكر هو اللي كسب.
- أنا فنيًا أسهل واحد يمكن تتعامل معاه، وأصعب واحد تتعامل معاه لو حاولت تبقى زكي لأن هتلاقي شعور جوايا بيقولي لا.
- مكنتش أعرف الموضوع ده كنت في برشلونة بعد وفاة أمي، ولاقيت الناس العرب بيقولولي في رمضان، فكانت رسالة من ربنا لأني كنت مكتئب بقالي سنتين، وكنت بذاكر جامد وأجيب شباب صغير أحاول معاهم في الفكرة بتاعتي، لحد ما وصلت للفكرة اللي تخليك ترقص حتى لو الأغنية slow، أزاي أوصل أني أحركك من الداخل بدون إيقاع.
- بحب الموسيقى لدرجة أنني صادق معها فهي تترجم الحالة النفسية لعمرو مصطفى، سواء كنت مبسوط أو أنجبت ولد أو بنت أو توفت والدتي وحتى عندما كانت حية كنت أترجم حبي لها في أغنية>
- أعتقد أنني ظلمت نفسي لأنني مغنتش من زمان على الرغم من تقديمي لأغنيات مثل (لمست وبرتاح معاك والكبير كبير)، وكسروا الدنيا بسبب نجاحهم، كما أنني كنت أتعاطف مع زملائي وكانوا يصعبون على، ولكنني قررت عدم التعاطف مع أحد مرة أخرى.
- ندمان على كل الالحان اللي قدمتها لغيري، كنت عايز أغنيها لنفسي وكنت أريد غناء بشرة خير، ولن أعطي أغاني لأحد مرة أخرى.
- محمد منير هو (البابا بتاعنا)، فهو من الناس الكبيرة، وتاريخ كبير جدًا، فأنا سألحن للوطن وللنساء ولمحمد منير.
- الناس مبقيتش قادرة تسمع 3 دقايق في الأغاني ويصعب عليا حد يسمع أغنية وفي النص يقفلها.
- كنت بتعاطف جدًا مع زمايلي وقررت مش هتعاطف تاني.
- بحب أغاني أحمد سعد شاطر برافو عليه، ولازم يفكر عمل إيه في حياته عشان يتغير.. علاقته بربنا إيه والدته أسرته كدا.
- لما جت لهم الفرصة يحاولوا ينافسوا عمرو مصطفى فقلت عمرو اللي هيطلع وهعلمكم الأدب.
تابعوا أخبار بلدنا اليوم على Google News
