ثم قست قلوبكم فهى كالحجارة بل أشد وصانا الإسلام على بر الوالدين وقال عن الأم الجنة تحت اقدامها وعن الأب ياأبتى افعل ما تؤمر ستجدنى ان شاء الله من الصابرين، ولكن قليل من يعمل بأوامر المولى عز وجل فأصبح عقوق الوالدين كارثة تهدد المجتمع من كبار السن بسبب سوء معاملة أولادهم لهم.
فى هذا الموضوع بكى الحاج محمد صادق، أحد المسنين، بسب سوء معاملة أبنائه له، أولادي طردوني في الشارع ورفعوا ضدي قضية حجر واتهموني بالجنون بسبب الميراث، ومعنديش استعداد أقف قدام ابني في المحكمة، برغم القسوة والبشاعة يرفض الوقوف أمام اولاده بعدما اتهموه بالجنون.
وقال «محمد صادق» خلال لقائه مع الإعلامية نهال طايل ببرنامج «تفاصيل» عبر فضائية «صد البلد 2»،: ولادي الثلاثة متكاتفين ضدي، ومش مصدق اللى عملوه فيا، حتى أنه كنت أعتبر ابنى الدكتور عيني اللي بشوف بيها لكن للاسف طلعت ظنى مش فى محله .
وأكد «محمد صادق» : ابنى احمد قالي اثبت اننا خدنا منك فلوس، وقولت له يوم عرفة حسبي الله ونعم الوكيل علشان انا معملتش فيكوا حاجة وحشة، وراحوا لأخويا وقالو له انه انا لازم اروح مصحة عشان يثبتوا اني مجنون، دا يرضى ربنا .
وأشار :عمري ما اذيتهم وبعملهم اللى محدش عمله، وانا اللى جوزت ولادي وصرفت عليهم كل حاجة". «بلجأ للسلف من نسيبي وولادي مش سائلين فيا انا عايز بس ايجار الشقة اعيش فيها بدل الشارع ومستشفى المجانين اللى عايزين يودونى فيها.
تابعوا أخبار بلدنا اليوم على Google News
