تحدث الفنان دياب، خلال مداخلة هاتفية ببرنامج "المساء مع قصواء" المذاع على قناة "CBC"، وتقدمه الإعلامية قصواء الخلالي، عن بداية تجربته في الفن، وتقييمه لها، وتفاصيل عن شخصيته في أحدث أعماله.
نرشح لك: الخميس والجمعة.. نانسي عجرم ضيفة برنامج "سهرانين"
ويبرز لك "بلدنا اليوم" أبرز تصريحات دياب، خلال المداخلة الهاتفية.
- أنا تجربتي لغاية دلوقتي بعتبرها نبتة بحاول أرويها بمشاعري كفنان وتجاربي، ولكن أنا لسه بتحسس الطريق على الرغم من شعبيتي، وعندي أغاني ناجحة معلقة مع الناس زي غمازات والعو، بقالهم 12 سنة وتلاقي أطفال بيرددوها وده نجاح ممتد.
- لو قعدت أفكر أنا نجحت في إيه مش هكمل، ومش شايف إني لسه عملت حاجة عظيمة عشان أقول إني عملت، لأ أنا لسة بتحسس الطريق وبحاول اتطور.
- الأدوار هي اللي بتختارني، وبختار أفضل المعروض عليا، يعني بشوف أقرب درجات النجاح اللي يرضي طموحي بنسبة 70 %، وفي نفس الوقت ممكن يكون اللي معروض عليا قليل فبختار الدور اللي أقدر أطلع منه حاجة.
- مبحبش أشتغل حاجة وخلاص ويارب موصلش للمرحلة دي، ودي حصلتلي كمغني من غير ما يكون فيه تنازلات أخلاقية.
- مسلسل في كل أسبوع حكاية، هو مشروع عبارة عن 6 حواديت وكل حدوتة ليها أبطال مختلفة، وأنا بطل حدوتة منهم وهي حدوتة في التاكسي ومعايا زملاء كتير، وإخراج الأستاذ محمد عبد الرحمن حماقي، وكاتبها أستاذ مصطفى جمال هاشم.
- الحدوتة حاجة من مشاكلنا اليومية وبنحاول نعرض بشكل مبسط ومُسلي للناس، وده الهدف الأساسي للدراما هو الترفيه عن الناس وفي نفس الوقت بنطرح مشكلة وبنحاول نلاقي لها حل، وبنسيب الأفق للمشاهد لو كان في الموقف ده هيحله إزاي يليق مع وضعه.
- دايمًا الجمهور في الدراما أو السينما بيتعلق ويتفاعل مع الشخصية الشريرة بشكل كبير، ودو الشر ثري دراميًا وبيبقى ممتع للممثل وبيدي له مساحات عن الشخصية الطيبة، ولكن الشخصية الطيبة مكتوبة منضبطة زي دوري في مسلسل نسل الأغراب، بيعجب الناس زي الشر ما بيعجبهم.
- نفسي أعمل أغاني لأن بقالي كتير غايب أو عملت تجارب خلال السنتين اللي فاتوا ومنجحتش، وعندي الجرأة في قول كدة.
- بشارك في رمضان بمسلسل "تحت الوصاية" من إخراج محمد شاكر خضير، وسيناريو وحوار خالد دياب وشيرين دياب، وبطولة منى زكي، ويتكون من 15 حلقة، كما أن تركيبة الدور ستكون جديدة ومختلفة.
تابعوا أخبار بلدنا اليوم على Google News
