حلت الفنانة نسرينا، نجمة الإعلانات في التسعينات، ضيفة في برنامج كلام الناس، الذي تقدمه الإعلامية ياسمين عز، على شاشة MBC مصر.
نرشح لك: اليوم.. مصطفى قمر يحيي حفلًا غنائيًا في التجمع الخامس
ويقدم لك "بلدنا اليوم" في هذا التقرير أبرز صتريحات نسرينا، خلال الحلقة.
- لو تخيريني مكنتش اشتغلت وأنا صغيرة لأن مكنش عندي وعي ومش فاهمة، وشهرتي جت بالصدفة البحتة من عند ربنا.
- كنت ذاهبة مع شقيقتي وأصدقائهما إلى شركة إعلانات وكنت بعمر 13 سنة، وعندما رآني محمد سامي اقترح علي أن تشارك في الإعلانات وفي نفس اليوم صورت إعلانًا، وبعد أول إعلان أصبح على تواصل معها، وقدمت بعدها العديد من الإعلانات التي حققت من خلالها شهرة كبيرة.
- بينزلوا إعلاناتي لحد دلوقتي، وبلاقي الناس مفقتداني وحباني وبيسألوا عليا أنتي فين ولكني توقفت.
- أنا طول عمري بيطلع عليا شائعات، وقالوا إني اتجوزت وجوزي اعتدى عليا، ورمى على وشي مياه نار، وقالوا كمان إني اتجوزت ملياردير مع إن زمان مكنش فيه مليارديرات كان آخرنا مليونيرات.
- بعض الناس في الوسط الفني قالوا إني سافرت وسبت المجال ومبقتش موجودة، والله أعلم كانوا عايزين ياخدوا مكاني ولا لا ولكن في الآخر كل شيء قسمة ونصيب ويمكن لو كنت كملت في الإعلانات والتمثيل مكنش هيبقى كويس ليا وأنا عندي سلام نفسي وعارفة إني نجحت في حياتي.
- ابني الكبير قال لي سبتي شغلك ليه وكيانك وذاتك؟ قلت له أنا نجحت في تربيتكم ودا بالنسبة لي نجاح إني وقفتك على رجلك واتخرجت وبتشتغل، وحسيت إني عملت الشيء اللي المفروض أعمله لأن والدهم مكنش فاضي وبيشتغل.
- كان ليا واحدة صاحبتي أنتيمة زوجي قلت لها نفسي آخد لفة بالموتوسيكل، قالت لي هكلم أشرف ياخدك لفة، وفعلًا اتقابلنا وخدني لفة ومن ساعة اللفة اتعرفنا على بعض واتجوزنا.
- كنت لا أمانع من أن يكون لدى زوجي صديقات، وبتقبل ده من زمان وبغير لكن مش أوي طالما مجتش عند كرامتي مفيش مشكلة.
- كان طيب فوق الوصف، ولما اتجوزنا كان عندي 15 سنة ونص وهو كان أكبر بـ 16 سنة، ومكنتش حاسة ده نهائي لأنه بيحب الحياة ولذيذ، وأكتر حاجة بيحبها شغله مش زي الرجالة، وكان بينزعج لما اتصل به كتير ويقول لي مشغول وكنت بتقبل ده، وانفصلنا بكل احترام ومحبة مع إن محدش فاهمه زيي ومحدش فاهمني زيه، وأنا مش عندي استعداد لأي علاقة حاليًا.
- هو حاليًا عايش لوحده وأنا مع ولادي وده مخلي الرجوع صعب شوية لكن مش مستحيل.
- ابني الكبير قرأ فاتحته على إحدى الفتيات، وإحنا صحاب وبحبها وهي بنوتة لطيفة ومثقفة ومتعلمة وبنت ناس ومن أصل كريم ومش بتدخل، ومش بتحشر بينها وبين ابني لأنهم خدوا بعض عن حب وأكيد هيمروا بمشاكل ومش هينفع أنا كمان أكون ضاغطة عليهم.
- حاجة معينة مسببة منع الرجوع مش عايزة أتكلم عنها، لكن مش دي القصة بس احنا وصلنا لمرحلة محدش بيعرف يعمل حاجة غير لما نقول لبعض، ممكن تكون الطباع مختلفة صعبة.
تابعوا أخبار بلدنا اليوم على Google News
