أعلنت المطربة ياسمين علي، عن تعرضها لـ حادث سير خلال الأيام القليلة الماضية، إضافة إلى نشوب حريق أمس بغرفة نومها، مُعربة عن استيائها الشديد لما تمر به من تجارب سيئة خلال الفترة الحالية.
نرشح لك: وفاة الفنان كمال سليمان ودفن جثمانه خارج مصر
ونشرت ياسمين علي، صورة لسقف غرفتها وبه آثار الحريق، وذلك عبر صفحتها الشخصية على موقع التواصل الاجتماعي "فيس بوك".
وكتبت ياسمين علي: "ما بحبش الطاقة السلبية والله بس اعمل إيه طيب.. هاحكيلكم حاجة صغننة.. امبارح الساعه 2 بليل من العادة ببقى قاعدة مع بابا وماما ويحيى بنتفرج على التليفزيون.. قمت عشان أروح أوضتي أنام".
وأضافت: "دخلت الأوضة قعدت دقيقة شامة ريحة بلاستيك محروق، ومش فاهمة الريحة جاية من فين.. فجأة بدون مقدمات وربنا عالم باللي هاقوله (لقيت السقف على وسعه مولع نار كله بمعنى الكلمة، وفجأة النار اتشفطت وبقت مختصرة فالشكل اللي انتوا شايفينه ده، وقفلنا الكهرباء ورشينا ميه) كل ده ف لحظات، أتاري الجار من فوق في مياه بتنزل من عنده على السقف عندنا فعملت ماس في الكهرباء، وحصلت النار اللي شوفتها دي".
وتابعت: "لو ماكنتش دخلت الأوضة في التوقيت اللي روحت فيه الله أعلم كان حصل إيه.. وقبلها بكام يوم كنا لسة عاملين حادثة بالعربية مع عربية نقل كبيرة".
واختتمت ياسمين علي: "ما تنخدعوش بالضحك اللي بضحكه.. كل واحد له فيلم عايشه.. احمدوا ربنا على كل لحظة أمان انتوا عايشينها بدون ترويع وعدم ستر، وما تبصوش لحياة حد أبدًا من برة".
تابعوا أخبار بلدنا اليوم على Google News
