حلت الفنانة داليا مصطفى، ضيفة في برنامج "يحدث في مصر"، الذي قدمه الإعلامي شريف عامر، على قناة إم بي سي مصر.
نرشح لك: بعد وصولها لـ300 مليون مشاهدة.. إليسا تحتفل بأغنية "من أول دقيقة"
ونعرض لك في هذا التقرير أبرز تصريحات داليا مصطفى، خلال الحلقة:
- بنت أخت شريف زوجي، حسبت الساعتين للمدرسين الكبار في الكيمياء في حصص المراجعة النهائية اللي بيدوها على تطبيق زووم قبل الإمتحان، فوجدت عدد اللي بيدفعوا الطلاب في ساعتين يصل لـ 750 ألف جنيه، واللي بيهاجمنا ويقولوا أنتوا بتاخدوا كام، إحنا مبناخدش 750 ألف جنيه في ساعتين.
- كابتن بشير التابعي، قالي إبني في الجامعة وبياخد دروس خصوصية" يعني حتى في الجامعة.
- ابني سليم في ثاني أكبر مدرسة "IG" أي تعليم بريطاني لكنه يحتاج لدروس خاصة أنه يريد أن يدخل كلية الهندسة، تلقيت اتصالا من سيدة لديها مركز للدروس وأخبرتني أن لديها دكتور جامعة يعطي دروسا لمادة الفيزياء بـ500 جنيه.
- أولادي لا يشاهدون أعمالي الفنية ولا يعرفون الممثلين، ليرد عليها الإعلامي شريف عامر: عيالي يا دوب يعرفوا أني مذيع.
- مش اهتماماتهم، وقدام مش هيبقى فيه حاجة أسمها تليفزيون وأتفرج عليه كله هيبقى الموبايل.
- زوجي شريف سلامة أحيانا يفرض على الأولاد مشاهدة أعماله و سليم اتفرج على مسلسل "السهام المارقة" ودا كان مسلسل صعب وعجبه.
- الناس كان بيقعدوا للفنانين زمان على الواحدة، والفنانين دلوقتي بقوا مستباحين بشكل مبالغ فيه جدًا وأنا ضد اني اقول رايي في اي حاجة تخص القانون.
- مش كل الفنانين أجورهم عالية وأنا مالي إذا كان فنان بياخد رقم قياسي، أنا عن نفسي باخد أقل من أجري من 7 سنين فاتوا.
- كفاية اللي هي شايفاه وحاسة بيه ماسكين الكرباج لمنة شلبي ليه مش ضحكتكم ومتعتكم بفنها ليه نازلين جلد جلد في تعليقاتكم وهجومكم عليها.. بقول للناس اللي بتهاجمها حرام الضرب في الميت استنوا حكم القضاء والقانون يسود الجميع.
- طب أنا بتشتم ليه.. اه ممكن يكون أجري كويس ومستوايا كويس بس أنا مش بتكلم عن نفسي بس، ومحدش ليه دعوة وأنا حرة واللي أنا عايزة أقوله هقوله.
- ولادي عايزين يشوفوا لي عمل كوميدي، شافوا كام حلقة من مسلسل بيت فرح، ولكن ماشفوش المسلسل الأخير لشريف سلامة "فاتن أمل حربي" لأنه عمل صعب أوي، وشريف بيطلب منهم يتفرجوا على كام حلقة.
- ولادي بيقولوا لي مهنة التمثيل مرهقة وبصعب عليهم لما برجع متأخر، وما بيتفرجوش عليَّ وميعرفوش حد من الممثلين.
- عمري ما بفتح موبايل حد من أولادي ولغاية دلوقتِ بدخل أنيمهم في السرير، ولادي بيحكوا لي كل حاجة وكل أم لازم تحكي حواديت لأبنائها.
تابعوا أخبار بلدنا اليوم على Google News
