علّق الرئيس عبدالفتاح السيسي، على استفسار بعض المواطنين بشأن تنفيذ الدولة لعدد من المشروعات القومية الكبرى في مجال الطرق والكبار، قائلا: «أنا بسمع كتير إنتوا بتعملوا شبكة الطرق الكبيرة دي ليه، لو معملتش كده هظلم الجيل ده واللي جاي كمان لو ما تعملش يبقى احنا بنضيع البلد والناس».
جاء ذلك خلال كلمة الرئيس السيسي، بافتتاح مدينة المنصورة الجديدة اليوم الخميس.
وأضاف: "طب إحنا في خير ونعمة؟ أيوه والله العظيم إحنا في خير ونعمة.. الجهد اللي بنعمله جهد مخلص وأمين وبمنتهى القوة اللي ربنا بيعينا بيها بنعمل".
فيما كشف الرئيس عن حجم المشروعات الجارية حاليا التي توفر ملايين فرص العمل، بـ«حجم الشركات العاملة في الدولة المصرية في مشروعات محددة للدولة، ومش بتكلم على قطاع خاص، مش أقل من 5000 شركة شغال جواها متوسط ألف عامل، يعني 5 ملايين عامل في كل الوظائف، يعني 5 ملايين أسرة، ولو أنا قللت أو قفلت الـ5 ملايين أسرة أوصلهم إزاي؟.. الدولة توصّلهم فلوس ويبنوا البلد ولا توصلهم فلوس عن طريق تكافل وكرامة وخلاص، قائلا: «النمو السكاني خطر هياكل البلد ويجب علينا جميعا الانتباه».
تابعوا أخبار بلدنا اليوم على Google News
