شارك النجم شريف منير في مؤتمر افتتاح مدينة المنصورة الجديدة باعتباره النجم الرئيسي للإعلان عن افتتاح المدينة والذي عرض على التلفزيون وجميع منصات التواصل الاجتماعي، وذلك بحضور الرئيس عبدالفتاح السيسي.
وقال شريف منير خلال حضوره بالمؤتمر "الفيلم التسجيلي اللي اتذاع اتقال بصوتي والإنجازات دائما واضحة مش هنتكلم تاني عن الإنجازات اللي مالية مصر كلها.. واللي مش مصدق دا مع نفسه بقى ملناش دعوة بيه حاجات اتعملت في لمح البصر.. البلد كلها اتغيرت فعلا الجمهورية الجديدة اللي عاجبه عاجبه واللي مش عاجبه القطر ماشي احنا مش هنقف، أنا كل يوم بقوم بلاقي بلدنا متغيرة أروح مشوار وأرجع ألاقي الدنيا متغيرة والله".
وأكمل مفتخرا عن مدينة المنصورة، "المنصورة خرج منها عمالقة السيدة فاتن حمامة رشدي إباظة والكاتب أنيس منصور، وأوضح كان أبناء المنصورة بيعملوا فرق أغاني إنجليزي وفرنساوي، بلد جميلة وعظيمة جيت هنا سنتين ونص علشان أعمل إعلان شفتوه عن المنصورة الجديدة، مكنش في الكلام ده أنا معرفش الكلام ده حصل إمتى بجد شيء مبهر".
تعتبر مدينة المنصورة الجديدة أحد شرايين التنمية في ساحل مصر الشمالي، حيث تحتوي على جميع المرافق والخدمات من مناطق حكومية وأسواق، ومساجد وكنائس، ومناطق ثقافية وترفيهية، ومناطق خاصة بالمطاعم، وحدائق مركزية بإطلالة ساحلية على البحر المتوسط.
أخر الأعمال التي قام بها النجم شريف منير مسلسل "إيجار قديم" الذي يعرض حاليا على شاشة ON، ويشاركه فيه النجم صلاح عبدالله والنجمة ميمي جمال و محمد الشرنوبي و إلهام وجدي وبسمة داوود وحازم سمير.
تابعوا أخبار بلدنا اليوم على Google News
