حلت الفنانة أنوشكا، ضيفة في برنامج "مساء dmc" الذي تقدمه الإعلامية إيمان الحصري.
نرشح لك: إطلالة جذابة لدرة بحفل افتتاح الدورة الثانية لمهرجان القاهرة للسينما الفرنكوفونية
وإليكم أبرز تصريحات أنوشكا، خلال الحلقة:
- رجعت لنفسي في فترة الكورونا، ولقيت أن فيه حاجات مكنتش بعملها ومنها السفر، خاصة في الأماكن الطبيعية زي الهند والمناطق الخضرة مع ركوب الجمال، واستخدام الحياة الطبيعية.
- نفسي أسافر وأرجع للطبيعة، عاوزة أسافر سيناء والواحات، نفسي اترمي في حضن الطبيعة.
- فترة كورونا أحدثت بعدا اجتماعيا أهم ملامحه فقدان قيمة حضن الأم والأبناء.
نرشح لك: نجل مصطفى محرم يكشف عن رغبة حفيدة محمد فوزي
- الفترة الماضية كانت مراجعة مع الذات، وتجديد العلاقة من الجيران والأهل والعلاقة مع الله.
- العلاقات مهمة جدا والتعامل مع الناس، واستخدام الموارد الطبيعية وإنك تمشي على الرمل وتركبي مركب في النيل، وصورت جراند اوتيل في اسوان.
- ونفسي أزور الأرياف وسيناء وسيوة، وأخرج من المدينة وأبعد عن الإنترنت وعوادم السيارات وأشوف الطبيعة اللي ربنا خلقها وأقدر قيمتها.
- كنا بنرتجل انا ووفاء عامر كتير في مسلسل "راجعين يا هوى"، ووفاء في الارتجال ما شاء الله محدش يقدر يجريها فيه.
- أنا طبعي عصبية وأكتر حاجة ممكن تعصبني الظلم والكدب.
- بحب الكلاب والقطط وبحس إني لما بأكلهم وببقى رحيمة بيهم ربنا بيفتحها في وشي.
- لما حصلت أزمة مرضي شوفت الناس بشكل مختلف، و99% من الناس اللي جنبي كانوا كويسين خلال الفترة دي واكتشفت إن العلاقات الإنسانية بين الناس مهمة ومطلوبة، ومش مجرد إننا بنشوف بعض وبنتكلم، ولازم نحسن الاختيار.
- كنت في فترة إنكار للمرض وبعد كدة الرضا وأخيرا التعامل بعد كدة مع الأمر الواقع، وفكرت وقتها في بنتى.. وبعد ما بدأت أفوق شوية كنت بفكر في بنتي وإخوانى وهما اللى صعبانين عليا.. وبحمد ربنا على دعاء الناس ليا.
- تجربة الإعلانات في بداية عملى كان مناخ عملني وقفة الميكروفون، وأول أجر أخدته كان 30 جنيه وناقص منه 10% ضريبة، وكنت في الجامعة.
- سعيدة جدا اني اكون ضيفة على قناتي اللي بعتبرها بيتي الكبير.. وإيمان الحصري بشوفها طيبة وحنينة ورقيقة وإنما الرقة وراها الجرأة وبعتبرها مشرفة لمصر والوطن العربي ككل تبقى إيمان الحصري ونورتي الشاشة.. ومبسوطة جدا إنى أكون معاكي.
تابعوا أخبار بلدنا اليوم على Google News
