مفيش خلاف بيني وبين الراقصة دينا ومعرفهاش.. أبرز تصريحات فيدرا في "كلمة أخيرة"

حلت الفنانة فيدرا، ضيفة في برنامج "كلمة أخيرة" الذي تقدمه الإعلامية لميس الحديدي، على قناة ON E.

نرشح لك: ميمي جمال تكشف سر اعتزالها للفن

ويعرض لك بلدنا اليوم في هذا التقرير تصريحات فيدرا، خلال الحلقة.

نرشح لك: في 8 ديسمبر المقبل.. حماقي يستعد لإحياء حفل غنائي ضخم

- الراجل كائن بسيط، والستات عبارة عن تفاصيل وبيشوفوا كل حاجة في مخهم، ويشوفوا الصورة الكبيرة دايمًا.

- اللي بيخلي الست الشرقية تكمل حياتها أنها تربت على أنها تلم البيت وأنها عموده، والكلام ده إلى حد كبير حقيقي، فالست هي الكل في الكل، ولو فرطتت كله بيفرط.

- الرجل الشرقي مستسهل ومستقوي ومسموح له بكل حاجة عكس الست فهي متقيدة بأولادها وشغلها، فهي بتعيش حياة مش سعيدة لكن بتفكر في أولادها.

- مفيش بيني وبين دينا أي علاقة، وعمرنا ما كنا صحاب، وأنا مش عارفاها ولم تجمعنا أي حاجة غير إنها كانت متزوجة سامح في آخر أيامه.

- اتجوزت سامح وأنا عمري 18 سنة، وبعدين اتطلقنا ثم عدنا مرة أخرى لأني اخترت السفر للولايات المتحدة للدراسة، وكانت وقتها الدراسة بالنسبة لي أهم.

- عدنا للزواج مرة أخرى وأنا عندي 25 سنة، وبالتالي أنا زوجته الأولى، ودينا تزوجته بعد طلاقنا بـ 3 سنوات ونصف في أيامه الأخيرة، اتجوزت سامح وبعده هادي، وتقريبا كان لازم أعمل احتكار للعيلة دي.

- زواجي من هادي الباجوري لم يستمر طويلا، وتزوجته حبا في حماتي، لأنها كانت مميزة في كل شيء وكانت مثقفة وحواري معها لا أملُّ منه.

- أنا وسامح الباجوري حبينا بعض واتجوزنا بعض، كان فنان عظيم وشغله كان عظيم جدا"، هو اللي دخلني عالم الفن بعدما درست الطب، وكنت بقرأ أي عمل يكتبه، قررت التوجه للفن بسبب زوجي وهو حببني في الفن، شفنا بعض وعاكسني وحبيته وتزوجته.

- لم أنزعج من الانتقادات التي وجههت لي بسبب فستان مهرجان القاهرة السينمائي بسبب أننا لن نستطيع أن نرضي الجميع، مع أن انتقادات الجمهور ممكن تكون مرعبة وبألفاظ مش لطيفة.

- الفستان لا ينافي الدريس كوود، وأنا كنت ملتزمة بالدريس كود، لكن فيه ناس شايفين التسرحية زيادة عن اللزوم، الميكيب زيادة عن اللزوم، لكن أنا أخترت أني ألبس الفستان.

- مبقلقش من النقد، كنت زمان بقلق، ولكن معرفش إيه اللي حصل، وفي آخر 6 شهور بطلت مقلقش من النقد، ومبقلقش من كومنتات على السوشيال ميديا، ومرة عيني جت على كومنتات بالصدفة وقررت من بعدها أني مشوفش الكومنتات تاني.

- صعب أحب راجل أصغر مني، مش عشان الخوف من الناس، لكن عشان اختلاف المرحلة العمرية، هو هيكون عايز بروح حفلة وأنا عايزة أتفرج على فيلم أو أقرا كتاب، ممكن يكون أكبر أو صغر سنتين، لكن في نفس المرحلة.

- المخرج داود عبدالسيد اختارني في أرض الخوف بعد عملي في مجال الموديلز، وقابلني وأداني ورقتين وقالي روحي ذاكريهم وتعالي، فروحت لسامح الباجوري وقالي عملت إيه مع داود؟ قولت له الرجل ده حاجة محصلتش، عملت المشهدين، وبعدين كلموني وقالولي تعالي أمضي الفيلم.

- وقتها، كنت مصممة ملابس في فيلم البطل، وكنت متخانقة مع أحمد زكي خناقة كبيرة بسبب اللبس، فحصل أني مضيت فيلم أرض الخوف فمثلنا مع بعض فكانت حاجة تضحك.

- خناقتنا في فيلم البطل، كانت بسبب أني لازم أحط له كرش وشنب، وهو عايز يا الكرش يا الشنب، فقولت له: أنت حر، أدي الكرش وأدي الشنب، وتركته، فبدأ يزعق، واتخانقنا خناقة كبيرة على البحر، وكانت خناقة كبيرة جدًا، وكنت بقوله: متكلمنيش بالطريقة دي، وكان العربي بتاعي مش قوي جدًا، فكنت أتعصب وأتكلم انجليزي على طول.

- أول يوم لي في تصوير فيلم أرض الخوف، كنت قاعدة مرعوبة في أوضتي بسبب خلافنا، فدخل زارني في الأوضة، واحتوى غضبى تماماً وشالني في الفيلم حقيقي.

- أنا مش رومانسية، وشخصيتي في "إيجار قديم" فيها شبه مني، لكن هي أرق مني، فأنا مش رومانسية ومش متسهوكة، ولما بتفرج على الشخصية بضحك.

- صديقتي المقربة بتقولي عن دوري في إيجار قديم مش مصدقة، هما يعرفوكي في الحقيقة، فأنا شبه الشاويش عطية وبمشي في الشارع مثله، بمشي زي العسكري في الشارع، ومبصش يمين وشمال، فأنا في الحقيقة جريئة، واضحة، وصدامية لو أضططريت، ولو قدرت أهرب ههرب، لكن لو اتحطيت في موقف صدامي، فأنا صدامية جدًا وهقول كل اللي أنا عاوزاه.