كشف أشرف صبري والد الفنانة ياسمين صبري تفاصيل زواجها الأول من دكتور عيون يدعى دودي قبل دخولها مجال التمثيل وكيف جاء هذا الزواج، وتكفله بكل جوانيه.
وأوضح والد الفنانة ياسمين صبري في في برنامج قعدة ستات عن قصة زواجها الأول من زوجها دودي: قابلته لأول مرة هو وأخوه جولي في إسكندرية وقالولي عايزين نعمل مشروع وكان باين عليهم إنهم لسة صغيرين وبعدين قابلني تاني بعدها بفترة وقالي أنا عايز أخطب ياسمين بنت حضرتك فقولتله أهلا بيك هشوف رأيها هي قالي هي موافقة فسألت ياسمين قالت أه طيب هو كويس ودكتور عيون وعنده مستشفى في إسكندرية فقولتلها خلاص نعمل حفلة عندنا في الجنينة على البيسين.
وأضاف والد الفنانة ياسمين صبري:" بالفعل عملنا الحفلة وجبنا حد يعمل الأكل وبعدها بكام شهر قالي يا عم إحنا هنتجوز وعايزين نعمل الفرح في الفور سيزون وقالي بس لازم نبعت لبلال أخو ياسمين وفعلا بلال جه وعملنا الفرح في الفور سيزون وكنت فرحان بيها جدا وكانت في الفترة دي لسة ما دخلتش عالم التمثيل.
وقال أشرف صبري : ياسمين مكنتش بتحب المذاكرة خالص.. كانت في جامعة بيروت والعميدة موجودة حتى الآن ممكن نتواصل معها .. كنت بتغيب كتير لأنها كانت بتحب الرياضة وتروح تلعب رياضة والعميدة كلمتني قالتلي ياسمين مش بتحضر وهيحصل فصل روحت علشان الحق أصلح الموقف خصوصًا إنها كانت بتتفصل مرتين في السنة.
تابعوا أخبار بلدنا اليوم على Google News
