بعد تصريحات ابنتها بسنت.. هند رستم تتصدر محركات البحث جوجل

تصدرت الفنانة هند رستم، مؤشرات البحث العالمي "جوجل" بعد تصريحات ابنتها بسنت، في برنامج "معكم" مع الإعلامية منى الشاذلي.

ويقدم لك "بلدنا اليوم" في هذا التقرير أبرز تصريحات ابنة هند رستم، خلال الحلقة.

- مكانتش بتحب لقب ملكة الإغراء اللي اداهولها مفيد فوزي وزعلت أوي منه، وقالت له إنت كده حددتني في دور واحد.. رغم أنها قدمت أعمال تانية مفيهاش إغراء، وهي في حياتها الشخصية ست عادية للغاية.

- اللي شجعها على الاعتزال إني لما خلفت وجبت ابني فكانت هي مبسوطة بالأسرة.. دي واحدة اشتغلت من وهي 15 سنة.. فقالت أعوض السنين اللي فاتت كلها مع بنتي وحفيدي.. وساعدها في القرار ده إن السينما وقتها مش زي الأول.

- هما كمان كان لهم أفلام فيها إغراء، ولكن كانت فترة قلق شوية، فكان بيتم إطلاق لقب على كل فنان، والموضوع ده حصل فيه مشاكل، هي زعلت لأنهم أعطوا فاتن حمامة لقب سيدة الشاشة العربية، وهند رستم ملكة الإغراء، وهناك كان يوجد خلاف كبير، هي كانت بتقدر تعمل كل الأدوار.

- معرفتها بوالدي كانت لذيذة جدا، كان فيه أوتوبيس بيجي ياخد الفنانين وينزلهم علشان يمثلوا، فشافها نازلة وقالتلهم فين أوضتي، بصلها وأعجب بها وبشخصيتها، فضلوا مع بعض خمس سنوات، و أنفصلوا، وأبتدت في تلك الفترة للفن وبقت مشهورة، و تزوجت من الدكتور فياض في الستينيات.

- كانت عاوزة تروح لدكتور، لأنها كان عندها هوس إنها هيجيلها سرطان، وراحت للدكتور محمد فياض، وسبحان الله اتجوزت الدكتور، وفضلوا مع بعض 50 سنة، كانوا بيحبوا بعض أوي، والسبب في كدة كانت المعاملة، وماما دي كانت عاملة زي أمينة في البيت.

- يعني كان أونكل فياض يرجع م الشغل مثلًا الساعة 4 يبقى فورا مفيش صوت في البيت ولا دوشة وأوامره مجابة وهكذا... الثنائي ده كان حلو أوي أوي مع بعض.

- مي كانت بتحب الكلاب أوي، وكان عندنا كلبتين، والكلبتين خلفوا في وقت واحد، وجابوا مجموعة كلاب صغيرة، الكلاب الصغيرة كبرت وبقى عددهم كبير، وكانوا بيجروا ورا بعض والبيت كان فيه 25 كلب.

- أنا محتفظة بفساتين هند رستم من سنة 1950، أكتر من 70 سنة تقريبا، والكواليتي بتاعهم عظيم، وهي عندها فستان من قشر السمك، مش بلاستيك، ومعظم لبسها كدة.

- الناس برة لحد دلوقتي عندهم هند رستم رقم 1، بيبعتولي لحد انهاردة علشانها، وهي كانت صديقة الكل، ما عدا اتنين بس، فاتن حمامة وتحية كاريوكا.

- مكنتش بتبدأ خناقات مع حد كانت بتخلص شغلها وتمشي، يعني لما الفيلم يخلص تقول شكرًا وتروح على طول، ولكن لو أي فنانة تعبت أو عملت حاجة ونجحت كانت تتكلم وتبارك لهم، ولكن مكنش عندها صداقات في الوسط الفني، ومدام ماجدة وشادية كانوا بيكلموها يباركوا لها على الأفلام.

- فاتن اتفاق ولكن مش منها، تحية كاريوكا علشان ماما عملت فيلم توحة،حمامة وتحية كاريوكا، مكنش فيه  فحست إنها دخلت في الحتة بتاعتها وحصل نوع من الحساسية، ولكن الفنان بيعمل كل حاجة، والمخرج هو اللي اختارها، ولما جت تعمل مسرحيات ماما حضرت كل مسرحيات تحية كاريوكا.

-لما اتعمل معرض في باريس السنة اللي فاتت واتعرضت فساتينها هناك، كانوا بيورونا السينما في الخمسينات كانت عاملة إزاي، كانوا في نفس مستوى هوليود، الفنانات المصريات في الفترة دي كان ده شكلهم ولبسهم وده تمثيلهم.

- ماما كانت شيك في كل حاجة، في أدبها وشكلها وكلامها، كانت حساسة وناعمة، وكانت تربيتها كدة، وهي كان لها أصل شركسي، ووالدتها مصرية مغربية، هي كانت شديدة وجامدة، ورثت ده من والدها ووالدتها، ووالدها كان ضابط في البوليس وكان رافض دخولها عالم الفن.

- كانت عاوزة تتفرج على فيلم، ومكنش في تذاكر، ودخلت هي وصحبتها الفيلم، ومش في دماغها السينما والفن، صحبتها قالتلها إنها رايحة مكتب تمثيل، وطلبت منها تيجي معاها، لما راحت معاها، خدوا هند رستم، وسابوا صاحبتها اللي كانت رايحة أصلا، وظهرت في أغنية "اتمختري واتمايلي يا خيل".

- ماما من الناس اللي كانت مبتحبش الدعاية وكانت بعيدة عن الصحافة تمامًا.. وكانت بتقول اللي يكتب عني حاجة يُشكر لكن أنا مش هسعي ان حد يكتب عني.

- أتشتموا وأتهزقوا من يوسف بيه في فيلم "إشاعة حب" بسبب أنه أعادوا المشهد لأكثر من مرة بسبب الضحك وهو ضهروا ورجليه بيوجعوا، وقالهم ايه اللي عملكم ممثلين وأنتوا عمركم ما هتفلحوا.

- فى هذا الوقت هند رستم قالوا أنها شبه مارلين مونرو بسبب شعرها الأصفر، وشعرها فى الأول خالص كان أحمر.

- بحب فيلم صراع فى النيل جدا والراهبة وشفيقة القبطية، وكان فيه فستان في فيلم شفيقة القبطية كانت بتحبه جدا.

-