آثار مقطع غريب جدلًا على مواقع التواصل الإجتماعي، وجه الإعلامي الشهير أسامة منير، رسالة لأولياء الأمور بشأن تربية أبنائهم، حيث نصحهم بألا يبالغوا في تربيتهم ويتركوهم للزمن يتولى الأمر.
وأضاف أسامة منير في المقطع، “لما تربي عيالك متربيهومش أوي، لأنك لما تربيهم أوي هيطلعوا أخيب خلق الله أوي”.
وقال منير، خليهم ياخدوا فرصتهم في الحياة، واطمن زي ما انت ليك مخ وبتحكم وبتعرف تتصرف، أكيد هيتعلموا ويعرفوا يتصرفوا، علشان ولادنا متعلمين كويس، ومتعلمين أحسن مننا.
وأردف: “الجيل دا غير جيلنا، احنا على أيامنا مكنش فيه إنترنت، وكانوا بيقولوا جيل التليفزيون، واللي قبلينا كانوا بيقولوا جيلكوا منيل يا جيل التليفزيون، واحنا بنقول جيلكوا منيل يا جيل الإنترنت، وهو لا هو منيل ولا حاجة”.
واستطرد مؤكدًا: “الجيل دا زي الفل، وعيال دماغها حلوة بس متربيهومش أوي، سيبهم يربوا نفسهم، أو بمعنى صح سيب الزمن يربيهم”.
تابعوا أخبار بلدنا اليوم على Google News
