أكدت ثراء جبيل أنها لن تعمل مع المخرج أحمد صالح مرة أخرى؛ بسبب موقف صعب تعرضت له أثناء تصوير مسلسل "بحر".
وأوضحت ثراء جبيل، خلال حوارها مع الإعلامية راغدة شلهوب، أمس الخميس، في برنامج "نص الكلام" المذاع على قناة النهار، السبب بقولها: "لن أعمل مع المخرج أحمد صالح لأنه أهانني.. كان عنده أخت شغالة مساعد مخرج سكريبت ملابس غلطت في المساعدة بتاعتي، وإحنا ملناش ذنب خالص هي اللي غلطانة وهزأتها جامد وصوتها عالي في وسط الشارع.. حليت الموقف وجبت لها حاجة شبهها بالضبط، وطلعت ع المشهد بمنتهى الاحترافية".
وتابعت ثراء جبيل: "أنا باحب آخد حقي وحق البنت اللي اتهزأت بشكل مش لطيف.. فعليت صوتي وزعقت بدون أي تجاوز زي ما هي عملت، وقلت لها إنتي اللي غلطانة ما تزعقيلناش كده، إحنا ولا مرة نسينا حاجة، ما تطلعيش علينا سمعة إني احنا ناس مهملة؛ لأنه ده إهمال منك انتي".
وشددت بقولها: " أنا لما باتعصب بابقى مرعبة، فهي طبعا عيطت وراحت عيطت لأخوها.. أخوها كلمني في التليفون: ألو ثراء أنا أحمد صالح، وفضل 17 ثانية يشتمني بأقذر الشتائم في وجود المنتج الفني وممثلة زميلة".
واختتم بأن "المنتج الفني سمع الكلام، وذهل، وأنا قفلت السكة ما رديتش.. وبالصدفة كان الاسبيكر مفتوح وما حدش عمل أي حاجة".
تابعوا أخبار بلدنا اليوم على Google News
