فيديو| عن حالة الزعيم.. رامي إمام: اشترى كلب وبيحل الكلمات المتقاطعة

كشف المخرج رامي إمام، عن حالة والده الفنان عادل إمام، وقال إننا تعودنا على الإشاعات، وصارت جزءا من حياتنا، وكان دائما أبونا الفنان عادل إمام ينصحنا بألا نتضايق من الإشاعات.

وأكد رامي إمام، في لقاءه مع الإعلامي عمرو أديب في برنامج الحكاية على قناة MBC مصر، أن الفنان عادل إمام بأفضل حال ويعيش حياته مع أولاده وأحفاده بشكل طبيعي.

وأضاف: من حوالي شهرين، قال لي أنا نفسي يبقى عندي كلب، قلت له: "حاضر"، وجبنا له كلب، وهو مبسوط جدا بيه، فهو مستمتع بالحياة مع أولاده وأحفاده، فهو ما شفناش في حياته كتير ومن حقه أنه ياخد راحته من الحياة شوية.

وكشف أن عنده عادة: بيحب يحل الكلمات المتقاطعة لكل الجرائد وبالقلم الفولماستر كمان، وبيقرا الجرائد الورقية لحد دلوقتي، وبيتابع الأخبار في البرامج والجرائد أكتر مننا ونفسه يشوف فضل ونعمة.

وأشار إلى أن: عادل إمام عمل كل حاجة في الحياة، يوم ما يقرر يشتغل، هيشتغل شئ أنا مقتنع بيه وجديد عليه، لأنه عمل كل حاجة في الحياة، مفيش دور وموضوع مقتنع بي، خلاص أنا مستمتع بحياتي مع أولادي وأحفادي، فالزعيم عادل إمام قدم 155 فيلم.

وتابع: من 2010 إلى 2020 قدم مسلسلات، فتصوير المسلسلات منهك، ولحد النهارده بنعرض عليه شغل، وصعب جدا تنقي موضوع لعادل إمام لأنه قدم كل الموضوعات، وهو من حق يعمل اللي عايز يعمله، أو مش عايز، هو حر.