كثيرا من العلاقات بين الرجل والمرأة تتعرض للانفصال بسبب واضح جدا وهو اعطاء الشخص فرصة ثانية بعد ما جرح وخان وغدر بيقوم الطرف التانى يسامح ويدى فرصة تانية ودا اول سبب فى انهاء العلاقة.
و أعربت الإعلامية سهير جودة، عن إعجابها الشديد بجملة للكاتب عمر طاهر، حيث تقول «حوّش فُرص تانية و أدي منها للي وقعوا حواليك، استثمار مضمون، الفرصة التانية الحاجة الوحيدة اللي الناس بتاخدها منك و تشيلهالك وديعة بفايدة كبيرة بس لو اتغيروا ».
وقالت سهير جودة خلال برنامج «الستات» المذاع عبر فضائية «النهار»، إنها تعطي الفرصة الثانية للأشخاص التي تكون مشاعرهم نبيلة، ولم يقصدوا الإساءة مطلقا من خلال تصرفهم، لذلك تقرر منحهم فرصة جديدة، موضحة: «ممكن يكون التصرف اللي حصل زعلني بس كان مقصود بيه حاجة غير المعنى اللي وصلني فممكن ياخد فرصة تانية لو له رصيد من مواقفة وأفعالة النبيلة زى ماهى ولكن لو اتغيرت لازم أنهى فرصة تانيه دى من حياتى».
وأكدت سهير: «متدوش فرصة تانية للأشخاص اللي طبعهم سيئ او مؤذي، او بيكرر اخطاءه، او الخيانة طبع فيه، ولو حد خدعك مرة ده عار عليه هو، لكن لو خدعك مرتين ده عار عليك انت»، مشيرة: «مفيش بشر بلا أخطاء» ولكن غلط عن غلط يفرق.
تابعوا أخبار بلدنا اليوم على Google News
