العمل هو سر الحياة لأي شخص، فالعمل هو الدافع لبناء حياة سليمة مكتملة الأركان، فلا يستطيع الإنسان الحياة بدون عمل نظرا لما تتطلبه الحياة اليومية من مصاريف ومتطلبات، يحتاجها الإنسان، ولكن يتعرض بعض الأشخاص في عملهم للأذى من وراء أشخاص آخرين، نظرا لما ينقل عنهم من وراء ظهورهم لمديرهم، وهذه تعتبر نميمة.
فى هذا الموضوع قالت الإعلامية سهير جودة، إن المدير “التوكسيك” أحيانا لا يكون مديرا، كما أنه يشعر بالضآلة أو أنه يملك مهارات محددة وليس لديه مهارات المدير، فيستمع إلى هذا والى هذه والى ذاك، ويبدأ في وضع المناخ السام في العمل لأنه شخص ضعيف، معقبة: «بيبدأ في وضع شخص اسمه العصفورة، وكمان بيخلي الناس تنقل الكلام عن الناس» ودا الشخص اللى بينقل الكلام للمدير لرفضه أو لوقف حاله أو لأسباب أخرى.
وأكدت سهير جودة، في برنامج «الستات» الذي تقدمه عبر فضائية «النهار»: «بقى في طرق عجيبة جدا في موضوع النميمة والعصفورة، والشخص اللي بيقوم بدور العصفورة بيكون بلا مؤهلات زي المدير بالظبط،بيسمع وينفذ حتى لو الكلام غلط عن الشخص التانى ممكن يضره عادى لمجرد كلمتين مش متأكد منهم بس سمعهم».
وأشارت سهير جودة أن المدير الذي يقتنع بكلام «العصفورة» في العمل هو مدير ضعيف، قائلة: «هيسمع كل الكلام اللي يتقال له عشان حاسس إنه صغير،ومش مدرك يعني اى مدير ولا عنده حسن تصرف فى إدارته، وهذا الإحساس مدمر جدا، ومبيبقاش عنده مهارة غير الكذب ويضرب الناس في بعض، وبيتعامل بمنطق فرق تسد لكنها في الحقيقة فرق تخسر وخاصة لو جيت على ناس كل ذنبها عايزة تاكل عيش ».
تابعوا أخبار بلدنا اليوم على Google News
