كل واحد ممكن يقول كلمة عفوية دون قصد .. مراد فكري صادق يعتذر عن تصريح والده

دافع الفنان مراد فكري صادق عن والده بعد إثارته الجدل إثر تصريحاته الأخيرة في برنامج نص الحدوتة عن الفنان الراحل سعيد صالح، وقدم إعتذار ل هند ابنة الفنان سعيد صالح عبر حسابه الشخصي على موقع الفيسبوك.

فنشر صورة للفنان سعيد صالح وصورة لوالده، معتذر قائلا:-" اختى الغالية و الفنانة بنت الاصول هند سعيد صالح طبعا انتى تعلمى جيدآ عشقى و احترامى و تقديرى للنجم الكبير سعيد صالح و تاريخه منذ صغرى حنى تخرجنا انا و انتى من سنين زملاء و اخوات من المعهد العالى للسينما احنا اكبر من اننا نتكلم على صفحات الفيس بوك يا بنت عمى و عمنا كلنا و والدى بنفسه قال فى كذا لقاء قبل كدة أن علاقته بالفنان سعيد صالح و عادل امام كانت علاقة صداقة بعيد عن الفن و اشتغلوا سوا كتير و كل واحد مننا ممكن يقول كلمة عفوية دون قصد غلط". 

متابع :-" و خصوصآ لما تتطلع الكلمة من جيل والدك و والدى لأن دة جيل عظيم و فاهم و واعى و خصوصآ انهم جيل واحد كمان و الجيل دة معروف بالحب اصلأ لحد دلوقتى كمان و ان كانت كلمة طلعت غلط او سؤ تفاهم حصل بشكل مفاجئ مش معناه انه غلط لا سمح الله فى الاستاذ سعيد أو بيقول من شأنه رحمة الله عليه و راعوا يا جماعة كبر السن و العفوية فى الكلام للناس الكبار ... الناس دى فنانين كبار و اكبر من اننا نلوم عليهم او نحاسبه بالكلمة ... لأن سعيد صالح دة نجم كبير و فكرى صادق فنان كبير برضو .. و شكرآ المهتمين و عارفين ان دة مش طبع والدى و ان عمره فى الوسط الفنى ما حد زعل منه ".

مستكمل قوله :-" الحمد لله احنا ناس فى حالنا مش بتوع مشاكل ولا تريند علشان الناس تعرف مين فكرى صادق او نقيس بالتريند شعبية نجم كبير زى الاستاذ سعيد صالح ؟؟؟ ‏و ربنا يرحم الجميع كل من عليها فان يا جماعة و كلمة( فنان عادى) كلمة لا تقليل شأن ولا سب و قذف لأى حد .. و انا بيربطنى صداقة و زمالة مع اختى المونتيرة المبدعة( هند سعيد صالح) من خلال المعهد العالى للسينما و انا من عشاق النجم سعيد صالح و اشتغلت معاه مسلسل و كان انسان جميل و دمه زى العسسسل و قعدنا اتكلمنا كتير عن ذكرياته هو و ابويا سوا كتير ... و رغم ظروفه المرضية الا انه كان قيمة كبيرة جدا فى المكان و الناس الكبيرة بيبقى معاهم عذرهم احيان كتير .. طالما لا يوجد اهانة او سب لا سمح الله ".

مضيف قائلا :-" يبقا الموضوع سؤ تفاهم و لازم توضيحه بشكل صحيح للناس فى اقرب وقت .. و لكل عشاق النجم سعيد صالح و انا اولهم طبعآ بس احتراما منكم و رجاء و ليس امر من حضراتكم ... بلاش نكبر المواضيع و نشمت فى بعض بالسرعة دى و نعلق لبعض المشانق علشان ممكن الحكاية تتفخم و يبقا موقف و يزعل ناس و اخوات و أصدقاء من بعض عشرتهم و صداقتهم قد عمر جيل كامل زى جيلنا الحالى ... و ستستمر العلاقة الطيبة بين الأبناء لأخر العمر بأذن الله و لن تتغير او تفسد بسبب كلمة او وجهة نظر اتقالت على الهوا بشكل عفوي.. دون مونتاج او تجميل للكلام من فنان له تاريخه و أعماله و عمره يتجاوز السبعين الحمد لله و هو والدى الفنان فكرى صادق".

 ‏وإختتم قوله بأن المونتاج بالملفات له دور في ضبط الكلمات، ولكن البرنامج كان يبث مباشرة على الهواء :-"والله يا جماعة إللى حصل دة بيحصل فى معظم البرامج المسجلة و بيحصل اكتر من كدة كمان و كلنا عارفين و فاهمين ... و بيتم تظبيط الكلام كله فى المونتاج قبل عرض حلقة الضيف و اختى هند سعيد صالح تعلم هذا من خلال عملها مونتيرة لها بصمتها فى فن المونتاج لأكثر من برنامج لكن برنامج الاستاذة لميس الحديدى .. برنامج على الهواء مباشرة لو كانت حلقة متسلة ماكانش حصل كل دة ... الحمد لله و كامل اعتذارى بشكل اخوى لأختى الغالية هند سعيد صالح و للنجم الراحل سعيد صالح ‏و اتمنى يكون كلامى وضح حاجات كتيرة .للناس .. شكرآ ‏Hind Saied Saleh" .

ويذكر أن رد الفنانة هند سعيد صالح على تصريحات الفنان فكري صادق كان عبر الفيسبوك بمدح والدها أولا ثم ردت على التصريحات، فقالت :-" جملة على لسان ضيف فى برنامج اتقالت فى سياق الكلام اللى اساسا مكونتش طرف فيه لا من قريب ولا من بعيد ولا حتى كنت فى عنوان الڤيديو اتقلبت مظاهرة حب ل سعيد صالح و مش النهاردة بس، كل فترة ليك نفحة .. فجأة و من غير مناسبة يا رب تكون من الناس اللى ينطبق عليهم من حبه ربه حبب فيه خلقه، ربنا يسعدك و يراضيك، و بالنسبالى انا .. اللهم لك ألف حمد و شكر، ربنا يرزقنى ربع الحب ده يا بختى بيك" .