يومين والسوستة تتقطع.. عفاف شعيب تنتقد الملابس المصرية

تصريحات عفاف شعيب

الاحد 25 سبتمبر 2022 | 11:02 مساءً
عفاف شعيب
عفاف شعيب
كتب : حبيبة محمد

عابت الفنانة المصرية عفاف شعيب على من هاجم تصريحاتها بشأن نقص الملابس الألمانية التي اعتادت اقتناءها، في الأسواق المصرية.

وقالت شعيب خلال مداخلة مع الإعلامي سيد علي ببرنامج "حضرة المواطن" المذاع عبر قناة "الحدث اليوم" المصرية: "ناس فاضية وقاعدين لنا على الواحدة وتنمر، ده كلام مش لطيف، وأنا اتكلمت بصدق شديد لما المذيعة سألتني بتشتري لبسك منين".

وأضافت: "ليه مش بيتكلموا لما واحدة تقول إنها كلفت الفستان ربع مليون جنيه أو مليون جنيه، واتكلموا عني لما قلت لبسي ألماني!".

وتابعت: "أنا اشتريت من هنا حاجات مصري وللأسف يومين والكتف يتقطع أو سوستة البنطلون، وكان في فترة سابقة اللبس المصري هايل وحلو جدا".

وأكملت: "لما كنت في أمريكا وحبيت أشتري هدايا، كل حاجة صنع في مصر وحاجات راقية جدا، ليه ده مش متوفر هنا؟".

ووجهت عفاف شعيب رسالة للمتنمرين قالت فيها: "راعوا شعور الناس وبلاش تشيلوا ذنوب، اللي يخاف ربنا لا يؤذي مشاعر الناس".

يذكر أن عفاف شعيب، كانت تطرقت إلى هذا الموضوع خلال حوارها مع الإعلامية ياسمين عز ببرنامج "كلام الناس" على قناة MBC مصر، موضحة أنها اعتادت السفر وشراء ملابسها من الخارج، وحاليا تواجه صعوبة في العثور على ما يناسبها بسبب صعوبات الاستيراد.