تعرضت الإعلامية ريهام سعيد، لحالة من التأثر أدت إلى بكائها على الهواء، وذلك بسبب طالبة بكلية الصيدلة،لمعاناتها مع شقيقها بعد وفاة والدها، ومنعها من استكمال دراستها.
وعرضت ريهام سعيد جزء من مكالمة صفاء، ببرنامج "صبايا الشمس" المذاع على فضائية "الشمس"، والتي تحدثت فيها عن رفض أخيها لاستكمال دراستها بعد وفاة والدها.
وأوضحت صفاء خلال المكالمة معاناتها مع شقيقها، وقالت: "أنا داخلة رابعة صيدلة، ووالدي متوفي من سنتين ونص، ومن يوم ما مات مشفتش يوم حنية مع أخويا، حط إيده على كل حاجة ومذلولة ومش عارفة أدفع قسط الجامعة، وهو بينبسط لما يشوفنا أنا وماما مذلولين".
وعلقت الإعلامية ريهام سعيد، على حديث الطالبة، قائلة "أنا وقتها من كتر ما كانت متأثرة بحديث وبكاء الطالبة صفاء رديت عليها وقولتلها اعتبري الموضوع منتهي ".
وأضافت ريهام سعيد، وقالت:"مكنتش اعرف الموضوع منتهي إزاي وهل أقدر أساعد ولا لا، ومش عارفة هعمل إيه، ولكن ساعات اليقين والثقة في الله أنك تقدر تساعد حد، ربنا بيقولك اطمن واللي انت عايزه هيحصل، وفعلا صفاء هتكمل تعليمها".
تابعوا أخبار بلدنا اليوم على Google News
