سمير كمونة: "اللاعيبة في الأهلي بتتدلع لازم تتقرص"

الجمعة 01 يوليو 2022 | 10:19 صباحاً
كتب : ياسر خالد

انتقدر سمير كمونة، مدافع الأهلي ومنتخب مصر الأسبق، أداء لاعبي الأهلي، خلال مباراة الفريق الأخيرة بالدوري، والتي خسرها بنتيجة 3-2.

سمير كمونة

وقال كمونة في مداخلة هاتفية مع الإعلامي محمد شبانة ببرنامج "Box 2 Box”، عبر قناة "etc”: "لاعيبة الأهلي بتتدلع ومحتاجة قرصة ودن".

وأضاف: "اللاعيبة لازم تتقرص وهقولهملك بالاسم، علي معلول محتاج يشد حيله شوية، محمد هاني، رامي ربيعة، ياسر إبراهيم، عندك حمدي فتحي لازم يرجع بسرعة".

وأردف: "أفشة، محمد شريف، حسين الشحات يا كابتن، لاعيب كويس وعنده أفضل من كده".

وتابع: "لو اتنين تلاتة بس اللي فايقين، النادي الأهلي لو ماكنش أهدر الفرص الضايعة دي كلها، كان النادي الأهلي كسب 8-3 8-4 إمبارح".

واستدرك: "لكن سموحة استغل الفرص اللي جاتله، جاتله 5 فرص سجل منها 3".

وعن المدرب الجديد للأهلي ريكاردو سواريش، قال "كمونة": "السي في بتاعته ضعيفة، لكن اللي عرفته إنه شخصية قوية".

وأكمل سمير كمونة، مدافع الأهلي ومنتخب مصر الأسبق: "اللاعيبة في مصر لازم تكون محطوطة تحت ضغط".

متذكرًا مدرب منتخب مصر السابق الجنرال محمود الجوهري، قائلًا: "كاندايمًا بيحط لاعيبة المنتخب تحت ضغط".

يذكر أن ريكاردو سواريش، قد قاد أول مران للأهلي أمس، استعدادًا لمواجهة بتروجيت في كأس مصر 2020/2021.

والجدير بالذكر أن المباراة ستقام غدًا السبت في التاسعة مساءً بتوقيت القاهرة.