مش عاجنبي غنائها.. رد صادم من الشاعر بهاء محمد على تصريحات شرين عبد الوهاب على أغنية "ما تجرحنيش" يكشف نشأتها الفنية

وجد الشاعر الغنائي بهاء الدين محمد، نفسه مضطرا للرد على المطربة شيرين عبدالوهاب.

جاء ذلك بسبب تصريحات لها بندمها على تقديم أغنية من كلماته.

وكانت المطربة شيرين عبدالوهاب قد ذكرت ردا على سؤال وجه لها عبر خاصية "ستوري" على صفحتها الرسمية على موقع "إنستجرام"، حول أغنية ندمت على غنائها فأجابت: "ما تجرحنيش".

وعلى الفور جاء رد الشاعر بهاء الدين محمد، قاسياً من خلال تغريدة نشرها عبر صفحته على موقع التواصل الاجتماعي فيسبوك، قال فيها: "مش متعود أرد على أي حد، ولكن لما حد يتجاوز حدوده لازم يقف مكانه ويعرف إنه مهما أتعود يغلط لازم ييجي عند بعض الأسماء ويحاسب ويخلي باله، وخاصة لما حد في كل كارثة يدافع عنها".

وتابع: " هتكلم باختصار جدا المشهد الأول: أول يوم دخلت شيرين عبدالوهاب مكتبي كانت مع الأستاذ نصر محروس اللي هو صاحب الفضل في تقديمها، وبعد دقائق من اللقاء لقينا شيرين بتبكي، وسألها (نصر) بتعيطي ليه؟ ردت علشان أنا قاعدة مع الأستاذ بهاء".

واستكمل: "المشهد الثاني: رشحتها تغني (كتير بنعشق) ولولا موافقة نصر احتراما للعشرة اللي بنا ما كانتش هتغنيها لأنها كانت موقوفة من النقابة".

وأوضح: "المشهد الثالث: لما فوجئت بمدير أعمالها الرجل اللي أنا بحبه ويحترمه لقيته يكلمني نيابة عنها، ويقولي سمعني الجديد، وده طبعا خطأ لأن اللي بيغني مهما كان اسمه مش المفروض يغلط غلطة زي دي، لأن المشهد ده مش لايق على المشهد الأول".

وتابع: "المشهد الرابع والأخير: أغنية (ماتجرحنيش)، أنا حتى الآن مش عاجنبي غُنى شيرين مع احترامي الكامل لصوتها، وأكيد لولا الأستاذ نصر ما كانش هيتم اللقاء، وأغنية (ما تجرحنيش) من أهم أعمالي ومن حقي أدافع عنها نتاج تهور اللي غنيتها".

واختتم: "وكمان لأول مرة ألاقي حد يحارب نَفسه، ويغلط في مبدعين اشتركوا في صناعته، وعشان أكتب الكلام كده يبقى شيرين غلطانة كالعادة، بس كان لازم أقولها ما تعمليش كده تاني، وأنت بتكبري بس مش تتعدين حدود حجم بعض الأسماء ولا أعمالهم".