الباز يعرض صورة لسمير صبري وهو يصلي

صرح الدكتور محمد الباز، مقدم برنامج "آخر النهار"، المذاع على فضائية قناة "النهار"، مدافعا عن سمير صبري، بعد تشكيك البعض في إيمان الفنان سمير صبري، بعد ترويج الشائعات والأكاذيب عنه أنه لم يصلي قط، ولم يركع ركعة واحدة.

حيث عرض الباز صورة للفنان سمير صبري، من إحدى الندوات في معرض القاهرة الدولي للكتاب، وهو يصلي قبل الندوة.

وعقب الباز: "حتى لا يزايد أحد، لا أذكيه على الله، لا أزايد إنه كان بيصلي، لكننا نكمل الصورة الإنسانية لفنان عظيم، الدين والطقوس الدينية بينك وبين ربنا، لكن فيه ناس بيحتكروا التدين، وإن هم بس اللي بيصلوا ويطيعوا ربنا".

وأردف الباز: "احنا جميعا متشعلقين وعشمانين في رحمة ربنا، ربنا يرحم الفنان الجميل سمير صبري".

وأشار الباز، إلى أن الصورة نشرها شوكت المصري، محاضر النقد الأدبي الحديث، على صفحته، وكتب معلقًا: "في أواخر يناير 2016 كانت أول مرة أقابل فيها الفنان سمير صبري، كنا في معرض الكتاب، وكان عنده لقاء في المعرض وبسبب الزحام اتأخر ربع ساعة عن موعد حضوره (مش عن موعد الندوة)، بسبب الزحام اللي في شارع صلاح سالم، يوميها أول ما دخل سألته "تحب تشرب إيه يا أفندم قبل معاد الندوة"، قاللي "سيبك من الشرب دلوقتي.. وقول لي القبلة هنا ازاي علشان ألحق صلاة المغرب، واقفل الباب وراك علشان بأحب أصلي في هدوء"، قلت له حاضر، بس ما قدرتش ما أصوروش قبل ما اخرج، واحتفظت بالصورة دي ليومها الموعود، وأهه اليوم جه، ربنا يجعل النهاردة أجمل وأسعد أيامه زي ما خلى حياتنا سعيدة وجميلة دايما، الفنان الشامل المبدع الموسوعي المصري خفيف الدم والروح".