صرح الفنان إسماعيل فرغلي خلال مداخلة هاتفية لبرنامج "فاكرني يا حظ" الذي يذاع علي "نغم اف ام"، والذي تقوم بتقديمة انجي انور، عن أنزعاجة من بعض المواقع التى تطلبه في لقاءات صحفية قائلاََ: "مش متعود أقول لأ، لأي حد في أي حاجة، وأي حد كان عايز يعمل معايا لقاء في موقع أو قناة أو أي حتة كنت بوافق".
وأضاف: "في بعض الناس كانت بتاخد اللقاءات وأهم حاجة عنده يعمل مشاهدات ويكتب: إسماعيل أيام الفقر، وإسماعيل مش لاقي يستر بناته وغيره من كلام غير صحيح وعملوا مشاهدات بال5 مليون وأكتر ، فعلى قد مافرحت بنجاحي في المسلسل على قد ما زعلت جدا وقلت الواحد الأول كان متداري ومستور و بيفكروا بأن خلاص أنا بقيت ترند ومش مهم بقى سمعة الراجل ده؟ السوشيال ميديا حاجة مزعجة جدا وبتخلي الناس تاخد ذنوب بالشكل ده".
واستكمل حديثة قائلاََ: "لو معايا فلوس همثل وأنا مستريح ، لأن ساعات بتضطر تقبل أعمال عشان الدخل المهم ما تكونش حرام".
كما تحدث الفنان أسماعيل فرغلي عن والده قائلاََ: "والدي دايما كان يقولهالي، الدخل العادي مايكفيش الحياة العادية، و أحب الأعمال إلى الله من يدخل السرور على قلب مسلم، وإحنا الحمدلله السنة دي دخلنا السرور على البيوت".
كما صرح عن فضل الفنان أكرم حسني علية قائلاََ: "الفنان أكرم حسني له فضل عليا إنه يديني المساحة دي وحصلت حالة حب بيني وبينه وكيميا كبيرة أوي، و بعد تعليق محمد صلاح على أكرم حسني لما كتب له ( أقسم بالله إنت جامد )، قابلت أكرم في اللوكيشن وقولت له: ينفع أبو مكة يكلمك ومايكلمش أبوك؟".
وأختتم أسماعيل حديثة عن عمله مع الزعيم عادل قائلاََ: "من كرم ربنا عليا الشغل مع الزعيم لأن في مشهد معاه راح شاددني من كتفي ، بحسب إني عملت حاجة غلط، لاقيته بيقول للجمهور، "إسماعيل بتاع الكاميرا الخفية أهو حيوه معايا".
تابعوا أخبار بلدنا اليوم على Google News
