كشف المخرج محمد حمدي في ندوة حوارية لـ"بلدنا اليوم" عن رأية في وجود سينما نظيفة وعن أنتقاضات فيلم أصحاب ولا إعز، والذي علق قائلاَ: "مصطلح السينما النظيفة دا مصطلح كاذب جداَ، أنا مش مقتنع بيه خالص السينما بدون حرية ماتنفعش والسينما مشاهدتها مسألة أنتقائية، السينما مابتتفرضش عليك، لوعايز تتكلم عن حدود يبقا في الدراما التلفزيونية أنا لما باجي أعمل مسلسل ببقى حريص أوي على كل جملة مكتوبة، وكل جملة هتتقال على الشاشة لإني عارف إني موجود عند الناس في بيوتهوم بدون أختيار، إنما السينما أنت بتنزل من البيت وبتروح تدخل الفيلم اللي أنت عايزه بالإضافة إلى إن بوستر بتاع الفيلم مكتوب علية التصنيف العمري بتاعة".
كما أضاف عن رأية في وجود أنغلاق قائلاَ: "من رأي أنا الشخصي في جماعات مش عايزانا نبقى دولة متحضرة دولة حديثة، فبتحط السم في العسل زي مبنقول، أنا بكلمك عن الأخلاق والفضيلة عشان تسمع مني لأن أنا راجل بتاع ربنا وبكلمك عن الأخلاق والفضيلة، و حقيقتي أنا لابتاع ربنا ولا بتاع أخلاق أنا عايز البلد دي تقع وتتأخر".
وعند سؤالة عن إمكانية قيامة بمشاهد جريئة في أفلام من أخراجة أجاب قائلاَ: "إذا في موضوع قدامي يتطلب دا هعملوا".
وفي سياق متصل يشارك المخرج محمد حمدي في السباق الرمضاني 2022 بمسلسل "السر" بطولة حسين فهمي، ووفاء عامر، ونضال شافعي، مايا نصري، محمد جمعة، والفنان الراحل أحمد حلاوة، أشرف عبد الغفور، محمد سليمان، اولفت عمر، ريم بارودي، عهدي صادق، ومجموعه كبيره من الوجوه الشابة، إنتاج محمد فوزي، تأليف حسام موسي، وإخراج محمد حمدي.
تابعوا أخبار بلدنا اليوم على Google News
