نشرت الفنانة والإعلامية ريهام سعيد، عبر حسابها الشخصي على مواقع التواصل الاجتماعي "فيسبوك"، وكتبت قائلة: "اكتشفت انهارده أن معدة اشتغلت معايه 15 سنة من اسكندريه عاملة عليا مؤامرة وجت لي في اسكندرية قال تسلم عليه، أنا سمعت أنها بقت بتشتغل مع واحدة زميله من الأعداء وبالرغم من ده لما طلبت تتكلم معايه بهبلي افتكرت أنها محتاجه مساعدة أو عندها أي طلب".
وأكدت:"سبت أولادي وقبلت أني اقعد معاها قعدت تتكلم كلام عجيب وتستفزني عشان اغلط وأنا بطبعي مش غلاطه فمحصلش جابت سيرة حاجات غريبة وناس مهمة وكبيرة في البلد في اعرفهم و في معرفهمش خالص وقعدت تحكيلي قصص غريبة اتاريها بتسجل لي".
وأوضحت:" ياما اكلنا عيش وملح مع بعض وياما اخدت مرتبات عالية جدا، عزمتها في عقيقة ابني وعاملتها أحسن معاملة مع أنها شخصية صعبة وكل الكرو بيكرهوها بس أنا كنت بحبها، طبعا هي معتمدة أنها هاتشيل صوتها وبالتالي كل كلامي يتاخد مش على أنه رد لا بتاخد علي أني بهاجم أو بغلط".
واضافت: "أنا معنديش حاجة اخبيها هو السؤال هنا اخدتي كم عشان تبيعي ضميرك كده؟ طب وابنك وجوزك وسمعتهم اه والا التسجيل ده برايفت هاتاخده المدام الي مشغلاكي تعمل لي بيه مشاكل وكله بالباطل برضوا؟، طب ازاي عايزة تاذيني واحنا عشره، طب واللي بعتاكي عايزه مني ايه ما خلاص سبت لها الجمل بما حمل، طب وأنتي تشتغلي صحفية ازاي وحد يثق فيكي تاني ازاي، اخذتي كم ؟ اخس عليكي ويا تري هاتفبركوا كلام ولا هايفضل زي ما هو ؟ حسبي الله ونعم الوكيل ".
وأردفت:" يا جماعه والله والله، وما هم بضارين به من أحد إلا بإذن الله، اد كده كنت مدايقة ناس كتير بس أنا مش مصدقة ومصدومة إن شاء الله بإذن الله وبقوة لا إله إلا الله هاتترد لك وهايتقلب عليكي أعمالك انتي واللي مقبضك، أنا المفروض اكره نفسي على سذاجتي وطيبتي، الحمد لله أن الواحد هاينزل قبره وهو مظلوم مش ظالم مش مصدقة".
تابعوا أخبار بلدنا اليوم على Google News
