زوج ياسمين رئيس: "الناس دلوقتي بتقولي يا جوز الممثلة.. ودا بيفرحني"

حل المخرج هادي الباجوري، في برنامج كلام الناس، وأدلى فيه بعدد من التصريحات الجريئة، مما أثار الجدل حول تصريحاته.

وأوضح هادي الباجوري، عن رأيه في المشاهد الفنية الساخنة والأعمال التي تحتوي على قبلات وأحضان، مؤكدًا أنه ضد إلغاء المشاعر من السينما.

وأفاد: "البوسة مفيهاش حاجة غلط زيها زي الحضن فيها مشاعر كبيرة وفي فرق بين بوسة الحب وبوسة القذارة"، مردفا: "معنديش مشكلة مراتي ياسمين رئيس، تتباس أو تتحضن لو الدور طلب منها ده، أحسن ما يتقال عليا منافق".

وأكد: "زوجتي شاطرة مش مستنية أن حد يقول عنها إنها مرات المخرج"، مردفا: "الناس دلوقتي بتقولي يا جوز الممثلة ودي حاجة بتبسطني جدا".

وتابع،: "نجاح ياسمين رئيس من نجاحي وبتبسط بأي حاجة بتعملها"، مشيرا: "الإنسان السوي والطبيعي بيكون مبسوط بنجاح زوجته".

بينما رد المخرج هادي الباجوري على الانتقادات التي تعرض لها بسبب آخر أفلامه قمر 14، حيث ضم الفيلم مشهد قبلة في نهاية الفيلم بين خالد النبوي وشيرين رضا، مشيرا إلى أن البوس في السينما شيء طبيعي.

وأردف : بوسة فيلم قمر 14 عادية جدا، والبوس كان عادي من 20 سنة وأنا مش هغير نفسي عشان الجمهور، هما اللي يتعالجوا والبوسة ليها حب ومعنى في الفيلم ومش زيادة عن السيناريو.

واستكمل: احنا شعب غريب أوي والأفراح كلها رقاصات عادي واحنا شعب مركب وعندنا انفصام في الشخصية وبنحط راسنا في التراب وكل واحد حر يعمل اللي عايزه، واللي مش عاجبه ميتفرجش أحسن.

وقال هادي الباجوري، إنه لا يهتم بـتعليقات الجمهور حول أعماله الفنية لأنهم ليسوا في مجال الفن، وزملائه في المجال الفني هم من لهم الحق في تقييمه فنيا.

وأعرب هادى الباجوري، عن رأيه مدافعا عن الفنانة هند صبري، بعد ظهورها في مسلسل" "البحث عن علا"، ببدلة رقص قائلا : الذي لم يعجبه ظهور هند صبري ببدلة رقص عليه أن لا يشاهد العمل الفنى مضيفا "إحنا شعب بيمشي بمايوهات على البحر وبنسقف للراقصات في الأفراح وبنعترض على بدلة رقص في مسلسل! ومش هغير نفسي عشان الجمهور ولا هقول معلش لحد وهما يتعالجوا أحسن".