عانى الفنان إدوارد، معاناة شديدة جداً عبر إصابته بفيروس كورونا.
واليوم أعلن الفنان إدوارد، عبر حسابه الشخصي بموقع التواصل الاجتماعي فيس بوك عن تعافيه من فيروس كورونا المستجد " كوفيد 19".
وكتب إدوارد منشورا يعلن فيه شفائه قائلا : الحمد لله يارب سلبي".
احتفل الفنان إدوارد، بعيد ميلاد ابنته ، ونشر صورة لهم عبر صفحته الرسمية على موقع التواصل الاجتماعي للصور والفيديوهات "إنستجرام".
وعلق إدوارد، على الصورة قائلا: " كل سنة و انتي طيبة يا حتة من قلبي و اشوفك دايما ناجحة و مبسوطة في حياتك".
وكان كشف الفنان إدوارد، عبر صفحته على موقع التواصل الاجتماعي فيس بوك كواليس معاناته في أول يوم بعد إصابته بفيروس كورونا.
وقال إدوارد :"هحكيلكو علي أول ليلة مع الكورونا بما أنها أول مرة تجيلي وطلعت منها بايه، ليلة صعبة جدا تعب في الجسم ذي ما يكون حد بيعذبك وبيدوس علي كل حته في جسمك وصداع نفسك يغمي عليك عشان تخلص منه ورعشه فظيعة".
وتابع "إدوارد": "وطول الليل بقول يارب مش هنكر في لحظة فكرت في الموت والناس اللي ماتت من الكورونا ، صدقوني ماخوفتش من الموت خوفت على مراتي وولادي وعيلتي ، وانهم مسئولين مني ولازم ابقي موجود عشانهم ولازم أصلي لربنا عشان يقومني اكمل وحسيت اني فقدت شغف كل متع الحياه ".
وأضاف :"مش عاوز حاجه عاوز أكون كويس عشانهم بس أنا من النوع اللي بحب الناس وبحب الحياة وبحب الأصحاب انبسط كتير أوي لما لقيت ناس كتير سألو عليا أعرفهم وماعرفهمش وعاوزين يساعدوني في محنتي بأي شكل ومنهم فنانين كبار بجد و إعلاميين كبار".
وأشار: "ربنا يباركلكم في صحتكم وعيليتكم كمان اكتشفت قد إيه مراتي أنا غالي عندها موش هممها كورونا ولا موش كورونا قاعدة جنبي تعملي كل حاجه تريحيني قد إيه إنتي ست عظيمه جالك كورونا ومقولتليش السنة اللي فاتت عشان كنت بشتغل ومش عاوزه تشغليني بيكي مكنتش عارف إنها صعبه للدرجه دي بجد إنتي جبل انكً استحملتي وكنتي واقفه كمان تخدمينا وتشوفي طلبتنا".
واختتم: "أنا آسف إني محستش بيكي في الوقت ده أوعدك أقوم وأعوضك عن كل ده الحياه مش مستاهلة غير إنك تعيش مع ناس بتحبها وتحبك وتخاف عليك دي الخلاصة إني فقدت الشغف في متع الحياة عاوز أعيش مستور أنا وعيلتي ويكون حواليا ناس بحبها وبتحبني ونتمني لبعض الخير وبس في ليلة واحدة الدنيا علمتني كتير ربنا يبعد عنكم أي حاجة وحشة".
تابعوا أخبار بلدنا اليوم على Google News
