ليلى علوي تهنئ عمرو دياب بعيد ميلاده.. فيديو

هنأت الفنانة ليلى علوي، الهضبة عمرو دياب، بمناسبة عيد ميلاده الذي يوافق اليوم 11 أكتوبر واتمامه عامه الـ59.

ونشرت ليلى علوي مقطع فيديو عبر حسابها الشخصي على موقع الصور والفيديوهات الشهير "انستجرام"، وظهرت وهي ترقص على أغنية "وحكايتك إيه" لعمرو دياب.

وعلقت ليلى علوي على الفيديو كاتبة: "دائمًا مجمعنا في حفلاتك، ومفكرنا بأحلى الذكريات اللي فاكرينها على أغانيك، كل سنة وأنت طيب يا هضبة.. وكل سنة وذكرياتنا معاك بتزيد".

دايماً مجمعنا في حفلاتك، ومفكرنا بأحلى الذكريات اللي فاكرينها على أغانيك، كل سنة وأنت طيب يا هضبة.. وكل سنة وذكرياتنا معاك بتزيد.🎂🎂 @amrdiab A post shared by LailaElouiOfficial (@lailaelouiofficial) on Oct 11, 2020 at 3:53am PDT

في سياق آخر، علقت الفنانة ليلى علوي، على واقعة تحرش أحمد بسام زكى، بأكثر من فتاة وطالبت بضرورة أن يقوم الآباء والأمهات بدورهم فى حماية أبنائهم والاهتمام بهم حتى لا يقعوا ضحايا للذئاب البشرية.

علّقت الفنانة ليلى علوي على أزمة التحرش الجنسي بالمرأة، المثارة مؤخرا على مواقع التواصل الاجتماعي، في ظل مطالب مستمرة للفتيات بضرورة الإبلاغ عما يتعرضن له من اعتداءات جنسية.

نشرت ليلى صورة لها من فيلم "المغتصبون"، عبر حسابها الشخصي على موقع الصور والفيديوهات "انستجرام"، وعلّقت كاتبة: "(مفيش بنت ماتعرضتش للتحرش) جملة بتتردد كتير اليومين دول وسط الحوادث المؤسفة اللي بنعيشها وبنسمع عنها، جملة صادمة ومرعبة ومن المخيف إن الشواهد بتقول إنها حقيقة".

وتابعت ليلى علوي: "عشان كده لازم نقف عندها، وكل بنت وست تفكر وتقرر إنه مش من حق أي حد أيا كان إنه يخترق خصوصيتها ويقتحم مساحة هي ماسمحتش بيها، لا لفظًا ولا فعلًا ولا بأي شكل من الأشكال، لأن السماح بأي تجاوز غلط، وممكن يتطور لما هو أسوأ، لما عملت فيلم المغتصبون سنة ١٩٨٩ المستوحى مع الأسف عن قصة حقيقية هزت المجتمع كله وقتها (قصة فتاة المعادي)، عشت التجربة القاسية دي من خلال الشخصية".

وأضافت ليلى علوي: "وحسيت بإحساس كل بنت اتعرضت لانتهاك بشع وكنت ومازلت مساندة لبطلة الفيلم "صفاء كامل" اللي قررت تاخد حقها وتعلن عن اللي اتعرضتله مهما كانت الظروف، ووقتها وصلت عقوبة المغتصبين للإعدام، ومن يومها ولحد النهارده ودلوقتي بالذات وأنا بدعو كل بنت اتعرضت لتحرش من أي نوع إنها تتكلم وترفض وتاخد حقها الكامل بالقانون.. علشان تقدر تكمل حياتها وعلشان تمنع الأذى عن بنات تانية ممكن يتعرضوا للي هي اتعرضتله. وأدعو كل بنت خايفة أو قلقانة أو مش عارفة الطريق الصحيح إنها تتواصل مع المجلس القومي للمرأة على رقم 15115 وهتلاقي كل الدعم سواء نفسي أو قانوني أو استشارة تحتاجها من أي نوع".

إقرأ أيضًا..

بعد 4 أسابيع بدور العرض.. زنزانة 7 يحافظ على المركز الثانى

شاهد بالصور.. خطوبة رنا سماحة على سامر أبو طالب