"براهن على الناس".. ماذا قال السيسي للشعب اليوم؟

افتتاح الرئيس عبد الفتاح السيسي صباح اليوم مصفاة الشركة المصرية للتكرير البترول بمسطرد.

و تعد احد أهم المشروعات التي تم تنفيذها في قطاع البترول والطاقة باحدث التكنولوجيا العالمية وذلك في اطار استراتيجية الدولة لتطوير وزيادة طاقات مصر التكريرية وقدراتها الانتاجية من المنتجات البترولية تأمينا لاحتياجات السوق المحلي وتعزيزاً من القيمة المضافة لموارد مصر

ووجه الرئيس السيسي عدد من الرسائل الهامة للشعب المصري خلال الافتتاح، وفى السطور التالية نرصد أبرز هذه الرسائل:

- الدولة لديها إرادة لتطوير الأوضاع الحالية وتحسينها من أجل صالح المواطنين.

- النمو العمراني غير المخطط له خطورة على السكان وموارد الدولة في الوقت ذاته.

- الحكومة حريصة على تحقيق راحة المواطنين، بإنشاء العديد من المحاور والكباري في منطقة شرق القاهرة.

- فيه قطاعات كتير متعافتش منها قطاع السياحة.

- تنفيذ 22 كوبري في 6 أشهر بطول 400 كم داخل كتلة سكانية صعبة.. "كل ما ننجز العمل في وقت قصير بنريح الناس".

- علشان نحل مسألة في شرق القاهرة بنتكلم في 40 أو 50 كوبري.

- بحث إمكانية مد صرف منحة العمالة غير المنتظمة المقدرة بـ500 جنيه حتى نهاية العام الحالي.

-ضرورة الانتهاء من إقرار الاشتراطات البنائية الجديدة قبل مهلة الـ6 أشهر التي تم الإعلان عنها من قبل.

- يتم تعويض السكان المتضررين من أي مشروعات ذات منفعة عامة تنفذها الحكومة على مستوى الجمهورية.

- والله لن تقوم دول حتى على منهج ديني يكون أساسها تخريب وتدمير الدول.

- إوعوا تتصوروا نزيل ونسيب الناس، لا بناخد الناس تسكن في أماكن تليق بيها، أي إزالة بتتم علشان المنفعة العامة مش على حساب الناس.

- أي ساكن في بيت بيتم إزالته بيروح في مكان محترم واللي ليه ثوابت ملكية بنعوضه ماديا، بقول ده علشان الناس اللي بتشكك، ويصطادوا في المياه العكرة.

- يهمني أقول حاجة واحدة بس: براهن على الناس.. على المصريين.

- قعدوا الكام أسبوع اللي فاتوا يولعوا الدنيا ويستغلوا المواقف الصعبة اللي نعملها، يا نعمل يا نسكت ونشوف المنظر ده وتبقى دي بلدنا، نصلح هيبقى فيه ظروف صعبة.

- هما بيختاروا الظروف الصعبة علشان يشككوا المصريين في اللي إحنا بنعمله وإن ده ضدهم وعلى حسابهم.

- براهن عليكم وبقول إنكم مقدرين وبتتحملوا، الشعب والدولة حاجة واحدة، محدش يدخل بينا.

- الناس محدش يقدر يخدعها بالكلام حتى لو تعبانين.

- لو بفسد في الأرض أبقى خايف لأن مش هيبقى معايا ربنا.

- ماشيين في مسار إصلاح وبناء وهنفضل كده على طول، هل الإصلاح الاقتصادي كان سهلا؟ كل الناس عانت منه لكن بفضل الله عدينا منه وحققنا إنجازات الدنيا كلها بتتكلم عليها.

- الوجه الحقيقي لمن يتحدثون عن التغيير في مجتمعاتنا هو التدمير والخراب وتهجير أهل الأوطان.

- ميرضيش ربنا، ناس كانت عايشة مستقرة نهجرهم ويعيشوا لاجئين الطفل اللي عنده 10 سنين وعايش في المعسكرات وبقى 20 سنة هيبقى إيه دلوقتي؟!

- لا بد من حماية أبناء المصريين من الأفكار التي تريد هدم الدولة وتخريبها.

- احموا ولادنا مش علشاني.. علشان بلدنا تعيش ويبقى ليها مستقبل، كام دولة راحت كده وإنتم الوحيدين اللي كده؟

- استقرار الدولة المصرية مطلوب من أجل استكمال مسيرة البناء والتنمية التي بدأتها الدولة.

- مجمع مسطرد بدأ سنة كام، وتوقف نتيجة أحداث 2011، هتعرفوا دلوقتي لما بيتعرض علينا حجم الفوائد التي تعود على مصر كانت كام، وتوقفت لـ10 سنين علشان حالة عدم الاستقرار.

- مشاريع كتير جدا في الدولة حصل فيها انهيار نتيجة التوقف أو دخلت مرحلة الخسارة، وبقت خارج منظومة الناتج القومي للدولة وأصحابها عليهم فلوس متراكمة في البنوك.

- 5 مليارات جنيه لبناء مساكن وتطوير مسطرد خلال 5 سنوات.

- براهن دائما على وعي الشعب المصري في مواجهة المؤامرات التي تستهدف هدم الدولة وتخريبها.

- "بيشتغلوا على المشاكل اللي بتواجهنا وإحنا بنتغلب عليها بفضل الله والشعب.. والناس لا يمكن خداعها بالكلام حتى لو كانوا تعبانين".

- مصر تُحسد على وضع كورونا، وبنحرم نفسنا من اللقمة علشان نبني بلدنا وربنا بيساعدنا.

- الست المصرية من فضلك استمري في الحفاظ على إجراءات الوقاية من فيروس كورونا.

- فيه ناس بتقول "بقى إنتو عاوزين تبقوا أوبك الغاز في المنطقة؟ لأ بقى إحنا مش هنسيبكم"، وأقصد هما يعني.

- يوجد خطة سيتم الإعلان عنها قريبا بشأن استغلال أراضي الدولة في مختلف المحافظات من أجل التنمية.

- بقولكم يا مصريين نحن نتعامل مع هذا الموضوع بشفافية كاملة ومصداقية كاملة ولا مجال للعبث في مثل هذه الأمور.

- عملنا نجاح وكنا نتمنى نصل للصفر محصلش، لو مخدناش بالنا هنواجه مشكلة كبيرة.

- الدولة ماضية في طريق الاكتفاء الذاتي من الغاز الطبيعي لتكون مركزا إقليميا للغاز.