تركي آل الشيخ يفتح النار على مجلس الأهلي:" الظلم ظلمات يوم القيامة"

هاجم المستشار تركي آل الشيخ رئيس هيئة الترفية بالمملكة العربية السعودية ورئيس نادي الميريا مجلس إدارة النادي الأهلي من جديد.

وكتب تركي عبر الفيس بوك قائلاَ:"ياسبحان الله ... حسام عاشور وعبدالله السعيد واحمد فتحي وعماد متعب ومؤمن زكريا كلهم الي غلط وأنتو الصح؟! الظلم ظلمات يوم القيامة ... عاشور لوحده بطولاته وتاريخه كفايه ... الوفاء والاحترام والخوف على أكل عيش الناس وعلاج الناس من غير مصالح بقى في الزمن ده شوو ! عجبي

تركي آل الشيخ يشن هجوم ناري على محمد سراج :" ميشرفنيش أكون رئيس للأهلي وفيه هلفوت زيك"

شن المستشار تركي آل الشيخ رئيس هيئة الترفيه بالمملكة العربية السعودية ورئيس نادي ألميريا هجوماَ حاداَ على عضو مجلس إدارة الأهلي محمد سراج الدين.

وكتب تركي عبر صفحته عبر الفيس بوك:"ارجع أسال هوا انتى مين عشان اكسر عينك؟ مالكش اي قيمة ... بعدين اذا انا بحب الشو على كلامك على الاقل بدفع حق الشو الي بعمله ...مش زيك هارينا بابي ومامي وفي الاخر ناجح بفلوسي انا ودعمي انا؟! متعملش فيها راجل وبتاع كرامه وانتى اساساً الكرمه دي متعرفهاش الا في بوست فيس! وبعدين انا مش حشتم في ابوك المحترم الي للاسف معرفش يربيك ولا اجيب سيرة ارض الطوب الرملي في الواحة في مدينة نصر وبقية الاراضي والشيك الي ب ١٠ مليون جنيه بدون رصيد لن كده حيزعل منك بابي ... لو عندك كرامه يابو كرامه يا اهبل كان اتصرفت وانا مرتين ارمي الاستقاله في وشك ومتقبلوهاش ... واستقاله بين السطور فيها انه ميشرفنيش اكون رئيس ل نادي الاهلي العظيم الي بحبه وبحب جمهوره وفيه هلفوت في مجلس الاداره زيك ... بتاع بابي ومامي ! دي اخر مره انزل ل مستواك وارد عليك ببوست ... فاهمني.

وكان تركي أل الشيخ قد وصف عضو الأهلي محمد سراج الدين بـ" الهلفوت" في منشور سابق ليرد عليه سراج الدين بمنشور قوي عبر صفحته على الفيس بوك.

وكتب محمد سراج الدين رد على وصف تركي آل الشيخ له بالـ" الهلفوت" قائلاَ :"بعيدًا عن الكورونا ربنا يحفظنا ويسلمنا منها جميعًا في فيروس عجوز موجود من زمان في قطاع الرياضة في مصر وفي فيروس تاني عيل لسه مستجد من الخارج".

وأضاف :"الفيروسات دي بتنشر فتن وقرف ومشاكل طول الوقت في الرياضة وبين الناس وبين بعض وبين أكبر جمهورين في مصر".

تابع :"أنا واحد مرضاش بإحداث أي نوع من أنواع الفتنة بينهم بأي شكل من الأشكال،إحنا في النهاية ولاد بلد واحدة، نختلف أه نهزر مع بعض أه، لكن تطاول وأذى ده منبوذ ومرفوض بالنسبالي من الجانبيين".

أكمل عضو الأهلي رسالته ، قائلاً :"المشكلة إن الفيروسات دي مختلفة عن الكورونا في حاجة وهيّ إن لها علاج بس العلاج لازم يجي من الدولة ويكون جذري الدولة اللي أنا بحترمها وبقدرها".

وأنهى :"عشان محدش يزايد عليا أنا ابن مؤتمر الشباب ودايمًا بكون فخور بده وظهوري الأول هناك في ٢٠١٦ وعرضي لأفكاري كان دفعة ونقلة ليا في أمور تانية كتير مؤتمر شباب مصر اللي كله طموح وتفاؤل وفكر ونقاء مش أجواء عشوائية وفتن وبلطجة تعوق الواحد عن أهدافه وطموحه الحقيقي لرفعة بلده وناديه المفضل اتمني يكون في مستمع لأن فاض الكيل...اللهم بلغت اللهم فاشهد".

"إدارة مش عاوزه مصلحة النادي".. منشور غامض من تركي آل الشيخ

ألمح المستشار تركي آل الشيخ، رئيس هيئة الترفيه بالمملكة العربية السعودية إلى ابتعاده عن أحد الأندية التي كان يقدم لها العون والدعم.

وكتب آل الشيخ عبر صفحته الرسمية على موقع التواصل الاجتماعي فيس بوك، "إذا كان القرار بيد إدارة مش عاوزه مصلحة النادي وبيعطلو أي حاجه تصب في مصلحة النادي.

وتابع: وصبرت عليها كتير بس واضح انهم مش حيتغيرو في حاجه.. الحمدالله عندي نادي في أوروبا! والباب الي يجيلك منه الريح سده واستريح.. لغاية مايجي رجال يقدرو الرجال!

جدير بالذكر أن تركي آل الشيخ يملك نادي الميريا الاسباني الذي يلعب في الدرجة الأولى، ويسعى للصعود والمشاركة مع الكبار.

وغضب بعض الجماهير الأهلاوية المتابعين لصفحة آل الشيخ، ورددوا مجموعة من التعليقات الغاضبة.