تداول رواد مواقع التواصل الاجتماعي منذ قليل، مقطع فيديو صغير لرجل الأعمال أحمد أبو هشيمة، مدته لم تتجاوز دقيقتين ليُعلن من خلالها عن مفاجأة للشباب خلال الفترة المقبلة، حيث أكد "أبو هشيمة"، على إطلاق مسابقة كبرى للمشروعات الناشئة وريادة الأعمال، ويأتي ذلك في إطار مساعدته الدولة للشباب الناشئين وذلك من خلال التعاون مع وزارة الصناعة والتجارة.
"الفترة اللى جاية هيبقى اهتمامنا بشكل كبير برواد الأعمال، لأن شايف إن ريادة الأعمال هي الأمل في الاقتصاد المصري، وفعلا محتاجين ناس عندها أفكار بره الصندوق علشان نقدر ننافس ونبقى زى الدول اللى بتصدر لنا حاجات بسيطة وبفلوس كتيرة جدا".. كلمات بعثها رجل الأعمال أحمد أبو هشيمة للشباب لتُصبح رساله أمل لهم خلال الفترة المقبلة؛ وذلك لمساعدتهم على تحقيق أحلامهم.
تفاصيل مسابقة رجل الأعمال أحمد ابو هشيمة
وعن تفاصيل المسابقة قال رجل الأعمال، إنه من المقرر إطلاق تطبيق "أبليكيشن" عبر الموقع الالكتروني الخاص به، لإرسال أفكار المشاريع ، كاشفا عن وجود لجنة فنية على أعلى مستوى لاختيار أفضل 30 مشروع ، للشراكة مع أصحابهم ماديا وفنيًا، قائلا: "المسابقة باختصار بتدور على رواد أعمال اللى عندهم فكرة مشروع في أى مجال ومش عارفين يبدأوا إزاى؟ أو اللى فعلا بدأوا ووقفوا في نصف الطريف علشان التمويل أو سوء التخطيط أو أى حاجة زى كده ، هيبقى فيه "أبليكيشن" على الموقع الإلكترونى بتاعى تقدر تقدم عن طريقه وتبعت فكرة مشروعك وهيبقى فيه لجنة فنية على أعلى مستوى هتختار أفضل 30 مشروع ودول أنا فعلا هشاركهم ماديًا وفنيًا علشان يبدأو مشاريعهم بشكل كويس".
مسابقة كبرى لريادة الأعمال من أبو هشيمة للشباب
وحول موعد إطلاق المسابقة، قال أبو هشيمة: "تفاصيل المسابقة وطريقة التقديم هنزلها على صفحتى خلال شهر مارس، وهتابع التطورات أول بأول، ولو فيه أى جديد وإطلب منى إن أعمل فيديو علشان أشرح لكم أكثر هعمل كده".
موضوعات ذات صله
فقط في منزل «أبو هشيمة».. «السجاجيد» بُساط ريح و«النجف» مصابيح علاء الدين
«المحرومون» من جنة «أبو هشيمة» بعد صفقة «ساويرس»
تابعوا أخبار بلدنا اليوم على Google News
