أعربت إنجي سلامة خطيبة الفنان الراحل هيثم أحمد زكي، عن حزنها الشديد على رحيله، وانها مازالت حتى الآن لم تصدق وفاته، لافتة أن كل ما تمر به هو اختبار كبير.
وكتبت إنجى سلامة بوست عبر حسابها على مواقع التواصل الاجتماع "فيسبوك"، قائلة:" انا بكتب الكلام ده و انا مش قادرة اكتب حاجة بس قلت ممكن يكون فيه اي حاجة تفيد أي شخص تكون في ميزان حسنات هيثم وانا بفكر نفسي قبلكم والله كلنا بيعدي علينا اختبارات في حياتنا وممكن نحس انه اختبار كبير اوي و صعب بس ربنا قال: الذين اذا اصابتهم مصيبة قالوا إنا لله وإنا اليه راجعون أولئك عليهم صلوات من ربهم ورحمة وأولئك هم المهتدون يعني انا كلي لله ورجعاله علشان الواحد يفتكر انه في الاخر ملوش غير ربنا و كلنا في الاخر رجعنا له مهما قلوبنا تعلقت بأشخاص او أشياء".
وأكملت إنجى البوست، قائلة: "يا ريت كلنا نعمل حساب اليوم ده و نبتدي نتعرف على ربنا بأسمائه وصفاته وجماله علشان يوم لما يجلنا اليوم ده يبقى اسعد ايام حياتنا ( الذين تتوفاهم الملائكة طيبين يقولون سلام عليكم ادخلوا الجنة بما كنتم تعملون ) ( قيل ادخل الجنة. قال يا ليت قومي يعلمون بما غفر لي ربي وجعلني من المكرمين ).
واختتمت انجي "أى حد اتغير بسبب هيثم أو أثر فيه يا ريت ياخد نيه ان أي عمل خير بيعمله أو تغيير يكون في ميزان حسنات هيثم وادعوله دايما ويارب يجمعنا بكل احبابنا في الفردوس الاعلى بدون سابقة عذاب ولا عتاب ولا حساب".
"إزاي دفنتك وهاخد عزاك".. صدمة نجوم الفن بعد وفاة الفنان هيثم أحمد زكي
تابعوا أخبار بلدنا اليوم على Google News
